"Sahnanyń kıesi bar"

Semeıge gastroldik is-saparmen kelgen Muhtar Áýezov atyndaǵy  Qazaq memlekettik akademııalyq drama teatr ujymy Shákárim atyndaǵy memlekettik ýnıversıtetiniń stýdentterimen kezdesti.

"Teatr jáne kıno"  taqyrybynda ótken kezdesýdiń maqsaty – óner jolynyń qıyndyǵy men qyzyǵyn jastar boıyna sińirý.  Shara barysynda jastar kókeıde júrgen suraqtaryn qoıyp, ónermaıtalmandarynan tushymdy jaýap ala aldy. Dýlat Babataıuly atyndaǵy aqyndar mektebiniń tárbıelenýshileri óleńderin oqyp, dúıim kópshilikti tántti etti.

–  Búginde teatr jáne kıno óneri damyp keledi. Alaıda, ekeýin birge qarastyrýǵa bolmaıdy. Sahnanyń kıesi bar. Kóptiń aldynda óner kórsetý úlken jaýapkershilikti talap etedi. Sondyqtan da, bir róldi somdap, ózin juldyz sanaıtyn jandar ónerdiń aýyr salmaǵyn sezinbeı, kerisinshe tómendetip alyp jatyr. Men kúni búginge  sahnada  birde Qojanasyr, birde bastyq bolyp oınaımyn. Shynaıy mamandyqqa degen súıispenshilik pen tabandylyq qana óner adamyn shyńdaıdy, – dedi tanymal kıno jáne teatr akteri Bekjan Turys.

Aıta keteıik,  óner ujymy 30 qyrkúıek-3 qazan aralyǵynda semeıikterge qoıylymdaryn qoıyp, qalyń kópshiliktiń qoshemetine bólenbek.