08 Qazan, 2019 NEWS
Jambyl oblysynyń polıseıleri Qyzyl kitapqa engizilgen janýarlardy aýlaǵan brakonerlerdi ustady. Bul týraly oblystyq polısııa departamenti basshysy Arman Orazalıev Facebook jelisindegi paraqshasynda jazdy dep habarlaıdy Qamshy.kz aqparat agenttigi.
"Bıyl 6 qazanda túngi ýaqytta Baızaq aýdanynyń tórt turǵyny "Nartaı" qumdy alqabynda Qyzyl kitapqa engizilgen janýarlar túri - qaraquıryqtardy zańsyz atqan. Brakonerlerdiń "Toıota" markaly avtokóliginen polısııa qyzmetkerleri janýarlardyń týshalaryn tapty. Eki qaraquıryq - tirkelgen qos uńǵyly ańshy myltyǵynan óltirilgen, alaıda ańshylardyń ań aýlaýǵa ruqsat etilgen qujattary bolmaǵan", - delingen habarlamada.
Osy derekke qatysty Baızaq aýdandyq polısııa bólimimen Qylmystyq kodekstiń 337-baby 1-bólimi boıynsha (jarylǵysh qurylǵylardy nemese janýarlardy jappaı qyryp-joıatyn ózge de quraldardy qoldana otyryp zańsyz ań aýlaý) sotqa deıingi tergeý sharalaryn bastady.
Kúdiktiler ustalyp, ańshy myltyǵy tárkilendi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir