Almatyda avtokólikti aıdap ketken 15 jastaǵy qyz ustaldy

Oblys ortalyǵynyń polıseıleri «Leksýs RH-300» avtokóligin urlady degen kúdikke ilingen 15 jasar qyzdy ustady dep jazady Qamshy.kz aqparat agenttigi oblystyq departamentiniń baspasóz qyzmetiniń deregin negizge alyp. Onyń aımaqtaǵy kolledjderdiń birinde oqıtyny anyqtaldy.

Oqıǵa 6 qazanda tirkelgen. Taldyqorǵan qalasy polısııasynyń  «102» arnasyna jergilikti saýnalardyń biriniń aýmaǵynan djıp urlanǵany  týraly habarlama kelip tústi. Kóshelerde ornalastyrylǵan beınebaqylaý kameralary arqyly tártip saqshylary urlanǵan kóliktiń baǵytyn anyqtap, qaladan shyǵý joldaryna tosqaýyl qoıdy.

 «Avtokólik oblys ortalyǵynan Úshtóbe qalasyna qaraı bet alǵan. Kúdikti qurbysymen birge kólikti tastap, taksı ustap iz sýytýǵa tyrysty. Kúdikke ilingen boıjetken kólik ıesiniń tanysy bolyp shyqty. Kúdikti qalalyq polısııaǵa jetkizildi jáne 15 jastaǵy boıjetkenniń Úshtóbe kolledjiniń birinde oqıtyny anyqtaldy. Urlanǵan avtokólik birden zańdy ıesine qaıtaryldy.» - dep habarlaıdy Almaty oblysy PD baspasóz qyzmeti.

Avtokólikti zańsyz ıelený faktisi boıynsha sotqa deıingi tergeý amaldary jalǵasýda. Quqyq buzýshylyqqa qatysy bar jaǵdaılar tekserý barysynda anyqtalady.