• USD 389.52
  • EUR 429.21
  • RUB 6.07
  • CNY 54.94
19 Qazan, 16:12:59
Nazarbaev: "Nur Otan" halyqty mazalaıtyn máselelerge aralaspaıdy

08 Qazan, 2019

"Aýrýhanada qanisherler jumys isteıdi dep oılaıdy": Atyraýlyq dárigerler málimdeme jasady

"Bizge dál qazir psıhologııalyq jáne moraldyq tynyshtyq kerek. О́z jumys ornymyzda durys jumys isteı alýymyz úshin", - deıdi akýsher-gınekolog Merýert Aıdarhanova.

Dárigerlerdiń qateliginen jańa týǵan sábı qaıtys bolǵan Atyraý oblystyq perınataldyq ortalyqtyń dárigerleri málimdeme jasady dep jazady Qamshy.kz aqparat agenttigi  "Habar 24" telearnasynyń deregin negizge alyp. Atalmysh ortalyqtyń 31 dárigeri jumystan ketý týraly aryz jazypty. Olar tergeý aıaqtalǵanǵa deıin durystap jumys isteýge múmkindik berýin surap otyr.

"Olardyń kináli ne kinásiz ekenin bilmeımin. Sot sheshimi shyqpaı jatyp eshkim eshteńe aıta almaıdy. Bizge jumys isteýge mursha berińizdershi!", - dedi perınataldyq ortalyqtyń gınekologııalyq bóliminiń meńgerýshisi Baqyt Shoqabaeva. 

"Bizge dál qazir psıhologııalyq jáne moraldyq tynyshtyq kerek. О́z jumys ornymyzda durys jumys isteı alýymyz úshin", - deıdi akýsher-gınekolog Merýert Aıdarhanova. 

Al akýsher gınekolog mundaı jaǵdaıda jumys isteý múmkin emes ekenin aıtty. 

"Halyq arasynda munda tek qanisherler jumys isteıdi degen oı qalyptasqan. Mundaı jaǵdaıda jumys isteý múmkin emes. Onsyz da bul jaǵdaıdan soń ońaı emes", - deıdi akýsher-gınekolog Nurlan Jubanyshev. 

Eske sala ketsek, osy ýaqytqa deıin perınataldyq ortalyqtyń dırektory Qýanysh Nysanbaev pen akýsher-gınekolog Asqar Qaıyrjanǵa shaqalaqty ádeıi óltirdi degen aıyp taǵylǵan. Tergeý málimeti boıynsha, dúnıege kelgen sábıdi "óli týdy" dep rásimdep, muzdatqysh kamerasyna salyp tastaǵan. Al sábı ol kezde tiri bolǵan. 

Tergeý endi bastalǵan is kópshiliktiń narazylyǵyn týdyrdy. Oqıǵa aýrýhananyń jumysyn toqtatty. Ortalyqqa eń qajet degen mamandar jumystan ketý týraly aryz jazǵan. 

"Qazir jergilikti bılik dárigerlermen dıalog ornatý úshin baryn salýda. «Qazirgi ýaqytta densaýlyq saqtaý basqarmasy, mınıstrlik pen kásipodaq uıymdarynyń ókilderi olarmen jumys isteýde. Olardyń árqaısysy kún saıyn adam ómiri úshin kúresetin eń qajet mamandar", - dedi Atyraý oblysy ákiminiń baspasóz hatshysy Serikjan Ermentaev.

"Medısınalyq kómekti bere berýimiz kerek. Sondyqtan óz dárigerlerimdi búgin odan da jaqsy, burynǵydaı jumys isteýge shaqyramyn", - dedi oblystyq densaýlyq saqtaý basqarmasynyń basshysy Mánshúk Aımurzıeva.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir