• USD 389.52
  • EUR 429.21
  • RUB 6.07
  • CNY 54.94
16 Qazan, 04:24:15
Saılaý qarsańynda "joǵalyp ketken" akter Shrı-Lankadan sálem joldady (vıdeo)

07 Qazan, 2019 Aıtty-eı, baýyryń!

Qaırat Joldybaıuly: Muhamedjan, endi osy jerden toqtaıyq...

Muhamedjan baýyrymnyń aqtalyp jazǵan jazbasyn oqydym. Meni qate aqparatqa aldanýdyń nátıjesinde emosııamen ózine qarsy pikir jazypty degen syńaıda áńgime aıtypty. Oý, Muhamedjan baýyrym, sózderińe qarsy shyǵyp, saǵan renjigen men ǵana emes, búkil halyq qoı. Bul ekeýmizdiń aramyzdaǵy jeke bastyń daýy emes. Montajdalǵan depsiń. Kez kelgen uzaq vıdeo qysqartylady. Eger qysqartqanda maǵyna ózgerip ketse, onda ózińmen kelisemin. Tipti ózińdi qorǵaımyn. Biraq ne aıtqyń kelgeni ap-anyq tur ǵoı. "Mekkede namaz oqyǵan adamdy jambasynan ońdyrmaı tebýge ruqsat berip qoıǵan din qandaı din" - degen kúdikti saýal árkimniń oıynda qaldy. Qasıetti qaǵba aldynda keıbir adamdardyń Allaǵa berilip ketip qolaısyz jerge namaz oqyǵanyn sheshýdiń quıymshaqqa qatty tebýden basqa órkenıetti, adam qadirin ketirmeıtin basqa mádenıetti joly joq pa, sonda? Mine osy sózdermen dinniń qadirin ketirdiń. Jáne bul sózińdi, ıaǵnı, dinı argýmentti kóshege shyqqan halyqty jasyna qaramaı aıamaı qamaýǵa, polısııany qaıraý úshin aıtqanyńnyń qaı jeri montaj? Sosyn kóshege bireý aldanyp shyǵady, endi bireý taryǵyp shyǵady. Qaısibiri ádilettik izdep, azamattyq pozısııasyn bildirý úshin shyǵady. Polısııaǵa "alańdaǵy halyq bireýińniń ákeń, bireýińniń anań, ápke-qaryndasyń. Memlekettiń qaýipsizdigin dórekilikke barmastan saqtańyzdar. Ásirese jasy úlken kisilerge qatty ketip jaǵdaıdy odan ári ýshyqtyryp, halyqty ashyndyryp almańyzdar" - deseńiz naǵyz janashyrlyq, shynaıy memleketshildik bolar edi. Talaı postymda da ashyq aıtyp júrmin. Men revolıýsııany qoldamaımyn. Biraq ádiletsizdikti aıtýǵa, jetkizýge tıispiz. Ádiletsizdikti aıtýǵa tıis adamdar tek saraıdy madaqtaǵannyń nátıjesine memleketmizde kóptegen bylyqtar oryn alyp jatyr. Halyq ózińnen tarazynyń basyn teń ustap memleketimizdegi talan-tarajdy, jemqorlyqty, ysyrapshyldyqty, ádiletsizdikti de aıtýyńdy qalaıdy. Birjaqty ýaǵyzǵa halyq mezi bolǵan.

Sosyn ózińe ǵana ońasha aıtatyn ekeýmizdiń aramyzdaǵy jeke bastyń máselesi emes qoı. Vıdeoń barlyq áleýmettik jelide keń tarap, halyq mensiz de qyzý talqylyp jatqan bolatyn. Men din adamy retinde óz pozısııamdy bildirdim, qate sózderińdi synadym.

"Montaj" - dep aqtalmaı-aq, "keıbir sózderim men mysaldarym orynsyz bolypty, emosııamen aıtylǵan qate ári artyq sózder eken. Sol úshin halyqtan keshirim suraımyn" deseń halyq basqasha qabyldar edi. Árdaıym halyqtyń janynda bolýǵa tıis óziń sııaqty aqynǵa osy jarasar edi. Asyl arnany jabýǵa qatysty pikirlerge qosylmaımyn. Ony qadaǵalap otyrǵan memleket pen QMDB mamandary bar.

Men óz oıymdy aıttym, óziń de oǵan jaýap berdiń. Endi osy jerden toqtaıyq. Halyq aq-qarasyn ózi ajyratady. Artyq ketken jerim bolsa, keshirim suraımyn.

Qaırat Joldybaıulynyń feısbýk paraqshasynan alyndy

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir