"73 myń teńge" : Kóp balalaly analardyń járdemaqysy ósti

Eńbek jáne halyqty áleýmettik qorǵaý mınıstri Birjan Nurymbetov kópbalaly otbasynyń barlyǵyna birdeı tabys kólemine qaramastan 42 500 teńgeden berýdi usyndy, - dep habarlaıdy Qamshy.kz aqparat agenttigi

Úkimet otyrysynda mınıstr Qazaqstanda balalardyń 60 paıyzy kópbalaly otbasy múshesi ekenin atap ótti.  Sondaı-aq "Osyǵan baılanysty kópbalaly otbasylar quramynan ataýly áleýmettik kómek alatyndardy shyǵaryp, olarǵa tabys kólemine qaramastan qoldaý kórsetýdi usynamyz. Bul kópbalaly analardyń bedelin arttyryp, materıaldyq jaǵdaıyn jaqsartady", - dedi Nurymbetov. Onyń málimdemesine zer salsaq, kópbalaly  otbasylardyń járdemaqy kólemi saralanady. Tórt balasy bar otbasy aıyna 42 500 teńge, bes balasy bar otbasy aıyna 53 125 teńge, alty balasy bar otbasy aıyna 63 750 teńge alady. Al bala sany kóbeıgen saıyn járdemaqy da kóbeıip, eń joǵarǵy tólem – 73 370 teńge bolady.