• USD 389.52
  • EUR 429.21
  • RUB 6.07
  • CNY 54.94
15 Qazan, 10:27:16
Ermekbaev: Jumys qaýipti, ómirleri úshin qaýip-qater bar

07 Qazan, 2019 Ekonomıka

73 myńnan asa otbasy tabysyn jasyryp, AÁK alyp kelgeni anyqtaldy

Keı otbasylar óz tabystaryn jasyrǵany úshin ataýly áleýmettik kómekti sanaý tásili ózgeredi dep habarlaıdy Qamshy.kz aqparat agenttigi Tengrinews.kz saıtyna silteme  jasap.

Eńbek jáne halyqty áleýmettik qorǵaý mınıstri Birjan Nurymbetov ataýly áleýmettik kómekti sanaý júıesin ózgertetin zań jobasy jaıly aıtty. 

"AÁK ómirlik qıyn jaǵdaıǵa tap bolyp, odan ózi shyǵa almaǵan adamdarǵa berilýi kerek. Ataýly áleýmettik kómekti toqsan saıyn taǵaıyndap, sáıkesinshe, úsh aıǵa shartty jáne shartsyz kómek belgileýdi usynamyz. Bul AÁK alýshylardyń óz tabystaryn jasyryp qalý múmkindigin joq qylady", - dedi Nurymbetov úkimet otyrysynda. 

Aıtýynsha, otbasynyń orta eseppen jan basyna shaqqandaǵy tabysy azaıýy múmkin. Mınıstr AÁK toqsan saıyn taǵaıyndalyp tursa, tólem kólemi artýy yqtımal. "AÁK kólemi otbasynyń barlyq múshesi úshin kedeılik shegi men orta eseppen jan basyna shaqqandaǵy tabys arasyndaǵy aıyrmashylyq arqyly anyqtalady. Eger otbasynyń eńbekke jaramdy múshesi usynylǵan jumystan bas tartsa, onyń otbasynyń barlyq múshesi AÁK-ten qaǵylady. Sondaı-aq balasyna qarap otyrǵan analarǵa olar úsh jasqa kelgen soń eńbekke belsendi aralasý usynylady", - dedi mınıstr. 

Jańa zańnamada Nurymbetov ýchaskelik komıssııalardyń qyzmetin arttyrýdy usyndy.  "AÁK alatyndar záýlim úılerde turyp, birneshe avtokólik tizgindep, úlken kólemdegi jer ýchaskelerine qojaıyn bolǵan mysaldar bar. Bul jaǵdaılarǵa ýchaskelik komıssııalar jaýapty. Sondyqtan zań jobasynda ýchaskelik komıssııalardyń kómekke muqtajdyqty anyqtaý belgilerin taǵaıyndaý úshin ortalyq atqarýshy organnyń quzyretin qaıta qaraýdy usynamyz", - dedi mınıstr. 

Onyń aıtýynsha, jyl basynan beri AÁK 113 myń otbasyǵa taǵaıyndalǵan, bul - 2,3 mıllıon adam. AÁK alatyndardyń jartysy - kópbalaly otbasylardyń múshesi.  "AÁK taǵaıyndaý kezinde 73 myńnan asa otbasy tabystaryn jasyrǵan. AÁK-tiń zańsyz taǵaıyndalǵan jaıttary anyqtaldy. Zań jobasynda jergilikti atqarýshy organdarmen barlyq jaıt qarastyrylǵan", - dedi ol. 

Ilmek sózder: aák ataýly kómek

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir