Qazaqstanda traktor men kombaın qurastyrylady

Germanııalyq ınvestor Soltústik Qazaqstan oblysynyń aýyl sharýashylyǵy óndirisine 9 mln dollar qarjy quımaq, dep jazady LS saıty.

 

Kásiporynda CLAAS kompanııasynyń traktorlary men kombaındary qurastyrylmaq. Búginde óndiristik kelisimshart jobasyna saraptama jasalyp jatyr.

 

"Kelisimder sátti júzege assa, 9 mln dollar nemese 3,4 mlrd teńge kóleminde ınvestısııa tartylmaq. Kásiporyn tolyq qýatyna qosylǵanda jylyna 300 birlik tehnıka qurastyrady" dep atap ótti jergilikti ákimdiktegiler. О́ndiris ornynda 80 jumys orny ashylady dep kútilýde.

 

Eskerte ketelik, CLAAS nemis mashına jasaýy kompanııasy 1913 jyldan beri aýyl sharýashylyǵy tehnıkalaryn óndirip keledi. Kompanııanyń Eýropa, Azııa jáne Amerıkada 14 zaýyty bar. Onda 11 myńnan astam adam jumys isteıdi.