• USD 468.56

  • EUR 497.56

  • RUB 7.3

  • CNY 67.18

29 Naýryz, 15:42:11
Almaty
+35°

QR prezıdenti janyndaǵy Ortalyq kommýnıkasııalar qyzmetinde QR qazaq kúresi federasııasynyń jyldyq esep berý konferensııasy aıasynda baspasóz maslıhaty bolyp ótti. Konferensııaǵa Aqparat jáne qoǵamdyq damý mınıstri Dáýren Abaev jáne QR qazaq kúresi federasııasynyń prezıdenti Arman Shoraev qatysty, dep jazady Qamshy.kz aqparat agenttigi. 

QR qazaq kúresi federasııasynyń prezıdenti Arman ShORAEV 2013-2019 jyldar aralyǵyndaǵy federasııanyń jumysy men jalpy damýy jaıly aıtyp ótti. Baıandamasy barysynda ulttyq kúrestiń damýyndaǵy birqatar erekshelikter, ózgerister, álemdik sporttaǵy qazaq kúresiniń oryny jaıly oıymen bólisti.

Arman Tólegenuly Federasııany basqarǵan jyldarda "Qazaqstan Barysy" jobasyn ulttyq ıdeıaǵa aınaldyrdy. Qazaq kúresiniń balýandaryn elimizdegi eń tabysty sportshylar qataryna qosty.

Sondaı-aq, "Álem Barysy", "Eýrazııa Barysy", "Jas Barys", "Halyq Barysy" jobalary arqyly qazaq kúresi sportshylarynyń áleýmettik lıftin qalyptastyrdy. Federasııany "Sporttyq jekpe-jek jáne kúsh qoldanylatyn sport túrleri konfederasııasynyń" quramyna qosty.

Onyń ishinde, tarıhı qadamdardyń biri – qazaq kúresin IýNESKO-nyń Dúnıejúzilik muralar tizimine engizdi. Halyqaralyq "Qazaq kuresi" federasııasynyń qurylýyna negiz boldy.

Federasııanyń tizginin ustaǵan 6 jylda qazaq kúresin ulttyq brendke aınaldyrdy.

О́z sóziniń sońynda Arman Shoraev Federasııanyń prezıdenti bolǵan jyldarda ulttyq kúresti damytýǵa bar bilimi men biligin jumsaǵanyn aıta kele, aldaǵy ýaqytta tizgindi Aqparat jáne qoǵamdyq damý mınıstri Abaev Dáýren Áskerbekulyna alatyndyǵy habarlady.

Atalǵan usynysqa sáıkes federasııa músheleri biraýyzdan usynysty qoldap, Dáýren Abaaevqa ulttyq kúresti senip tapsyratyndaryn bildirdi.

Sóz alǵan Dáýren Áskerbekuly ulttyq qundylyqtarymyzdyń bastýynda turǵan qazaq kúresiniń damýy úshin aıanbaı eńbek etetinin, artylǵan senimdi aqtaıtynyn aıtty.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir