• USD 389.52
  • EUR 429.21
  • RUB 6.07
  • CNY 54.94
15 Qazan, 10:30:40
Ermekbaev: Jumys qaýipti, ómirleri úshin qaýip-qater bar

04 Qazan, 2019 NEWS

Shaqalaqty tońazytqyshqa salyp óltirgen

Atyraý qalasyndaǵy oblystyq perınataldyq ortalyq basshysy jańa týǵan náresteniń ólimine qatysty kúdikke ilindi. Dırektordyń buıryǵy boıynsha náresteni tońazytqyshqa salyp qoıǵany belgili boldy. Bul týraly sybaılas jemqorlyqqa qarsy is-qımyl agenttigi tóraǵasynyń orynbasary Shyńǵys Qabdola málimdedi. 

Sh.Qabdolanyń sózinshe, arnaıy shuǵyl amaldardyń barysynda perzenthanadaǵylardyń salǵyrttyqqa jol berip, jańa týǵan náresteni óli týyldy dep rásimdegeni anyqtalǵan. Alaıda bul kezde náreste tiri bolǵan eken.

«Náresteniń tiri ekenin bilgenimen dárigerler múmkindigi bola tura shuǵyl sharalar qabyldaýdyń ornyna, rásimdelgen qujatqa sáıkes áreket etýdi uıǵaryp, náresteni ólimge qıǵan. Dáriger mundaı áreketke bazadaǵy toltyrylyp qoıylǵan qujattardy ózgertkisi kelmegendikten barǵan. Ony qaıta túzetýge bolmaıdy eken», - dedi sybaılas jemqorlyqqa qarsy is-qımyl agenttigi tóraǵasynyń orynbasary jıyn barysynda.

Qylmystyq kodekstiń «Medısına nemese farmasevtıka jumyskeriniń kásiptik mindetterin tıisinshe oryndamaýy» baby boıynsha is qozǵalǵan. Is boıynsha perzenthana basshysy men áıeldi bosandyrǵan akýsher-gınekolog kúdikke ilindi. Náresteniń ólimi týraly tolyq derekter tergeý barysynda belgili boldy.

Esterińizge salsaq, bastapqyda atalǵan perzenthananyń basshysy sybaılas jemqorlyq boıynsha aıyptalǵan edi.

Qabdolanyń málimetine súıensek, perzenthana basshysy demeýshilerdiń aqshasyna shetelge demalýǵa ketken. Shuǵyl amaldar kezinde perzenthana basshysynyń telefon arqyly náreste týraly aıtqany anyqtalǵan.

«Biz birden oqıǵa ornyna bardyq. Alaıda ýaqyty boıynsha úlgermedik. Náreste tońazytqyshta kóz jumǵan. Bastapqyda basqa derek boıynsha jumys istegen edik, biraq arnaıy shuǵyl sharalardyń barysynda osy derekti anyqtadyq», - deıdi ol.

Osy ýaqytqa deıingi aralyqta Atyraý oblysynda perınataldyq ortalyq basshysy bosanýshy áıeldiń ólimi deregi boıynsha oń saraptamalyq qorytyndy berý úshin, Atyraý oblysyndaǵy sot-medısınalyq saraptama ınstıtýty memlekettik mekemesiniń basshylyǵyna 300 myń teńge kóleminde para berdi dep kúdiktelgen bolatyn.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir