• USD 389.52
  • EUR 429.21
  • RUB 6.07
  • CNY 54.94
17 Qazan, 12:12:08
Prezıdenttik jastar kadr rezervine irikteýdiń kelesi kezeńine 904 qatysýshy ótti

02 Qazan, 2019 Aımaqtar

Búgingi qoǵamǵa medıasııanyń bereri mol

Taraz qalasynyń Dostyq úıinde Jambyl oblysy QHA medıatorlar Keńesi «Kámeletke tolmaǵandar men jastardyń qatysýymen daýlardy retteýdiń balamaly tásili retinde medıasııany damytý sharalary» atty keńeıtilgen otyrysyn ótkizdi. Is-sharany uıymdastyrýshy Jambyl oblysy Qazaqstan halqy assambleıasynyń medıasııa kabıneti dep jazady Qamshy.kz aqparat agenttigi. Sýdıalar, zańgerler, advokattar, QHA medıatorlary, etnomádenı birlestikterdiń ókilderi, belsendi jastar kámeletke tolmaǵandar men jastardyń qatysýymen daýly jaǵdaılardy retteýde «Medıasııa týraly» zańdy qoldanýdyń qıyndyqtary men alǵa qoıylǵan is-sharalary, jastardy jumyspen qamtýdyń qazirgi jáne áleýetti máselelerin sheshý, onyń áleýetin júzege asyrý joldaryn, otanshyldyq pen Otanǵa degen súıispenshilik rýhynda tárbıeleý ádisterin talqylady.

Májiliske qatysýshylardyń biri Janna Mamysheva:

– «Buqaralyq aqparat quraldary qyzmetkerleriniń qaýymdastyǵy» JQB jetekshisi, kámeletke tolmaǵandar men jastardyń qatysýymen daýly jaǵdaılardy balamaly retteýdiń qıyndyqtary men alǵa qoıylǵan mindetterin atap ótti: - «Men bir tyń jańalyq ashpaı-aq qoıaıyn, degenmen de, jastardyń basty máselesine kelip toqtalatyn bolsaq, jumyssyzdyq, talapsyzdyq jáne alǵa umtylý josparlarynyń bolmaýy kóp keleli máselege ákep soqtyratyny sózsiz. Eger qalada múldem jumys joq dep aıtar bolsam, obektıvti bolýdan qoryqpaımyn. Jumys árdaıym bar! Buǵan basqa elderden kelgen mıgranttar sanynyń jyl saıynǵy ósýi dálel. Biraq másele bar jumys jastardyń talaptaryna, suranystaryna jáne ambısııasyna jaýap bermeıdi. Qalalyq jastar resýrstyq ortalyǵynyń (JRO) málimetteri boıynsha, búgingi tańda Taraz qalasyndaǵy jastardyń sany 14 pen 29 jas aralyǵyndaǵy 86 553 adamdy quraıdy. Bir jaǵynan qalada jastardyń damýy men ósýi úshin barlyǵy bar! Bul birinshi kezekte joǵary (JOO) jáne orta (JQS) oqý oryndarynyń bolýy. Stýdentterdiń jalpy sany: 40 500 adam, bul qala jastarynyń jartysyn quraıdy. Jyl saıyn 7689 túlek shyǵarylady, biraq tek 4152 túlek jumysqa ornalasady, bul 54% quraıdy. Bul basqa memleketterde oqıtyn jastardy sanamaǵanda, oqytý jáne kadrlardy daıarlaý úrdisteriniń aıqyn ózgerisi. El Prezıdenti N. Á. Nazarbaev óziniń «Bolashaqqa kózqaras: qoǵamdyq sanany jańǵyrtý» atty maqalasynda bylaı dep atap ótti: - «Búgingi tańda jeke adam ǵana emes, sonymen qatar ult óziniń básekege qabilettiligin damyta otyryp, tabysqa jetýge múmkindigi bar» dál osy qajettilik pen básekege qabilettilik, eńbek naryǵynyń basty krıterııleri! Basqasha aıtqanda, jyl saıyn qalanyń joǵary oqý orny men SÝZ-lary eldiń bıýdjet qarajatynyń jartysyn jáne azamattardyń jınaqtaryn tıimsiz jumsaıdy!, - dep oıyn túıindedi.

Otyrysqa qatysýshylardyń barlyǵy jastardy jumyspen qamtýdyń qazirgi jáne áleýetti máselelerin sheshý joldaryn izdestirýge bir aýyzdan kelisilip, kámeletke tolmaǵandar men jastardyń qatysýymen janjaldardy sheshý salasynda jumys isteıtin medıatorlarǵa arnalǵan ádistemelik quraldar ázirleý jóninde usynystar engizildi. Mektepterde, kolledjderde konsýltatıvtik-ádistemelik kezdesýler uıymdastyryp, toptyq birlikti damytý jáne qalyptastyrý úshin róldik oıyndar ótkizý, soǵan qosa mekteptegi, otbasyndaǵy, aýladaǵy janjal barysyndaǵy Medıasııanyń aralasýy, sondaı-aq synyptyń, mekteptiń dástúrleri men qundylyqtarynyń biryńǵaı júıesin qurý sharalaryn qarastyrý da kózdeldi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir