• USD 389.52
  • EUR 429.21
  • RUB 6.07
  • CNY 54.94
14 Qazan, 05:24:06
Rasýl Jumaly: Qandastardyń «taý-tasty basyp óttik» deýi qısynǵa kelmeıdi

02 Qazan, 2019 Aımaqtar

Jańǵyrý jolyndaǵy el taný ekspedısııasy

Jambyl oblysy Qazaqstan halqy Assambleıasynyń «Jańǵyrý joly» jastar qozǵalysynyń «Jastar jylyna» arnalǵan is-sharalar josparyna sáıkes oblystyń «Jańǵyrý joly» jastary respýblıkalyq «Eltaný» týrıstik-ólketaný ekspedısııasy aıasynda Túrkistan oblysynyń tarıhtan syr sherter kóne jerlerine aralaýǵa baǵyttalǵan ekskýrsııanyń ekinshi bóliminde jastardy Túrkistan kútip turǵan edi dep jazady Qamshy.kz aqparat agenttigi. Ekskýrsııanyń ekinshi kúni Qoja Ahmet Iаssaýı, Rabıǵa-Sultan Begim keseneleri, Qoja Ahmet Iаssaýı kesenesiniń mańynan oryn tepken emdik qasıetke ıe shyǵys monshasy, Hılvet jer asty meshitine, Sháýildir aýylyndaǵy Arystan-Bab kesenesi (Q.A. Iаssaýıdiń muǵalimi jáne rýhanı tálimgeri), Otyrar qalashyǵy (arheologııalyq qazbalar), Otyrar tarıhı-ólketaný murajaıyna saıahat jasaǵan jastar tarıhpen betpe-bet kelgendeı áser alǵandaryn jasyrmady.

Q.A.Iаssaýı kesenesi XIV ǵasyrdyń sońynda turǵyzylǵan arhıtektýralyq ǵımarat. Qoja Ahmet Iаssaýı dúnıe salǵannan keıin halyqtyń kóp jıylýymen ózine arnap soǵylǵan kishkene mazarǵa jerlenedi. Keıin bul kesene musylmandardyń jappaı táý etý ornyna aınalǵan. Mekeme qyzmetkerleri assambleıa jastaryna bassuqqan ár kıeli oryndy jiti tanystyrdy. Olar týraly kóptegen aqparattarmen bólisip, tarıh tunyǵynan sýsyndatty.

Saıahat barysynda shtabtyń belsendi múshesi Lıgostaev Artýr:

- «Qazaq dalasynyń ár tasyn túrtseń tarıhyn kóresiń. Bul men úshin óte qyzyqty sapar boldy. Sebebi, mundaı kórinister bizdi san ǵasyrlarǵa kóz júgirtedi. Al, ótkenimiz - tarıhymyz. Tarıhta bizdiń ata-babalarymyzdyń izi bar. Bul ekskýrsııa bizge tek kóńildi saıahat qana emes, tunyp turǵan rýhanııat. Men osynda kelgenime óte qýanyshtymyn jáne osy saıahatty uıymdastyrǵan oblystyq assambleıaǵa alǵysymdy aıtamyn. Aldaǵy ýaqytta jastarǵa osyndaı rýhanı, mádenı, tarıhı azyq syılaıtyn óńiraralyq «О́lketaný» týrlary kóp bolsa eken. Biz bir sát kúndelikti kúıbeń tirshilikten sergip, tarıhqa saıahat jasap qaıttyq.» - dep óz oıymen bólisti.

Sapar sońynda assambleıa jastary Túrkistannan «tábárik» retinde týystary men tanystaryna túrli sývenır-bazarlyqtar alyp, kıeli Túrkistan keseneleri mańynda sýretterge tústi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir