• USD 468.56

  • EUR 497.56

  • RUB 7.3

  • CNY 67.18

29 Naýryz, 13:41:19
Almaty
+35°

Memleket basshysy Qasym-Jomart Toqaevtyń Qazaqstan halqyna arnaǵan Joldaýynan qarapaıym halyqtyń kúteri men semimi mol boldy. Negizgi bes basymdyqqa bólingen mańyzdy qujatta el ekonomıkasynyń damýynan bastap, halyqtyń birligi, ál-aýqatyn arttyrýyna, óskeleń urpaqtyń sapaly bilim alýyna deıingi ózekti máseleler qamtylǵan dep jazady Qamshy.kz aqparat agenttigi. Joldaýdaǵy «Áleýmettik jańǵyrýdyń jańa kezeńi» bóliminde bilim salasyna úlken seripilis berilse, mádenıet, rýhanııat salasy qyzmetkerlerine úlken qoldaýlar kórsetilendigi kóńil qýantty. Iá, qaı eldiń bolmasyn tarıhy men eldigin, salt-dástúrin tanytatyn basty qundylyǵy – sol halyqtyń mádenıeti, tili, ádebıeti, rýhanı baılyǵy ekendigi daýsyz. Al ony osyndaı urpaqtar sabaqtastyǵyn jalǵastyratyn búgingi jastar ekeni belgili. Sondyqtan da bilim salasy men mádenıet salasynyń damýyna aldyńǵy qatarǵa qoıý qashanda oryndy dep oılaımyn.

Osyndaı tarıhy tym tereńnen tamyr tartqan kópultty Jambyl oblysy Qordaı aýdanynda búginde bilim men mádenıet salasyna aıtarlyqtaı kóńil bólinip keledi. Máselen sońǵy jyldary aýdanda qazirgi zaman talabyna saı jańa bilim berý nysandary iske qosylyp, apatty mektepter, úsh aýysymdy oqytý júıesi joıyla bastady. Tek ótken jyldyń ózinde Kóktóbe jáne Soǵandy aýyldarynda jańa mektep ǵımaraty oqý jylynda qoldanysqa berilse, aǵymdaǵy jyly Qordaı, Qarakemer, Qaınar aýyldaryndaǵy orta mektepterge kúrdeli jóndeý jumystaryn júrgizý úshin 392 mıllıon 653 myń teńge bólindi.

Sonymen qatar birqatar aýyldyq okrýgterdiń bilim berý oshaqtaryndaǵy oryn tapshylyǵy máselesi óz sheshimin tabýda. Aǵymdaǵy jyly Qalǵuty aýylynda jańa mekteptiń qurylys jumystary bastalsa, kelesi jyly Kúnbatys-2 jáne Masanchı aýylydaryna da jańa mektepter salynyp, oqý jylynda qoldanysqa beriledi dep josparlanýda.

Qazirgi zaman talaby sandyq tehnologııany meńgergen saýatty urpaq bolmaq. Sondyqtan da 2019 jyly aýdan boıynsha 9 mektepti robototehnıka kabınetterimen qamtamasyz etýge 54,6 mıllıon teńge, 2 fızıka kabınettermen qamtýǵa 14,5 mıllıon teńge bólinse, aýdan mektepteriniń oqý kabınetterine qajetti 359 dana ınteraktıvti qurylǵylarmen (kompıýter, proektor, ekran) qamtý úshin 179,5 mıllıon teńge qaraldy. Bul bilim salasyn sıfrlandyrý maqsatynda qolǵa alynǵan jumystardyń nátıjesi.

Osylaısha Qordaı aýdany Joldaý júktegen mindetterdi minsiz oryndaýǵa bar kúshin salýda.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir