• USD 389.52
  • EUR 429.21
  • RUB 6.07
  • CNY 54.94
14 Qazan, 05:22:38
Rasýl Jumaly: Qandastardyń «taý-tasty basyp óttik» deýi qısynǵa kelmeıdi

02 Qazan, 2019 Aımaqtar

Medıasııa – birlik negizi

Jambyl oblysy ákimi apparatynyń «Qoǵamdyq kelisim» kommýnaldyq memlekettik mekemesi «Medıasııa-birlik negizi» áleýmettik jobasy aıasynda Taraz qalasynyń Dostyq úıinde «Mektep medıasııasy» atty semınar-trenıng ótkizdi. «Jańǵyrý joly» QHA jastar qozǵalysynyń ókilderi, kolledj stýdentteri men qala mektepteriniń oqýshylary bilim berý ortasyndaǵy janjaldardy boldyrmaý jáne sheshý boıynsha medıatıvtik tásilder boıynsha dáris aldy dep jazady Qamshy.kz aqparat agenttigi. Semınar baǵdarlamasy zamanaýı medıasııadaǵy sheshendik sheberlik júıesinde negizdelgen jáne arazdanýshy jaqtarymen kommýnıkasııadaǵy basty spıker retinde medıator beınesiniń syrtqy jáne ishki elementterin, sonymen qatar, kommýnıkatıvtik daǵdylaryn nyǵaıtýǵa baǵyttalǵan tájirbıelik jattyǵýlarynan turady.

Is-sharany asha otyryp, «Qoǵamdyq kelisim» KMM basshysy Ýbaıdýllaeva Rano Mahsudqyzy jastardyń qolynda bizdiń memleketimizdiń bolashaǵy turǵanyn jáne osyndaı oqytý kýrstaryn ótkizý janjaldy jaǵdaılarda ózin-ózi ustaýdyń praktıkalyq daǵdylaryn alýda belgili bir nátıjeler beretinin atap ótti:

-Quqyq buzǵan bala óz qurbylary tarapynan aıtylǵan ýájderge toqtap, óziniń qateligin túsinedi. Bul onyń sondaı áreketti qaıtalamaýyna jáne janjaldy jaǵdaıdan urys-kerissiz, renishsiz shyǵýyna kómektesedi. Ata-analar balalarynyń arasyndaǵy daý-janjaldardy órshitpeı basýǵa, balalarynyń ashýshań, kekshil bolmaı, kópshil bolyp ósýine jaǵdaı jasaýǵa múmkindik alady. Osy oraıda, olar bala janyn tereńirek túsinip, bala tárbıesiniń mańyzyn sezine túsedi. Meniń oıymsha, medıasııany jalpy bilim beretin mektepterde ǵana emes, kolledjderde, ýnıversıtetterde de engizgen jón. Kásibı jáne joǵary oqý oryndarynda da jastar arasyndaǵy janjaldy oqıǵalar álsin-álsin oryn alyp jatady. Al, medıasııa qyzmeti ony eki taraptyń múddesine saı sheship qana qoımaı, mundaı keleńsizdikterdiń aldyn alýǵa da ıgi yqpalyn tıgizetin bolady, -dedi R.Ýbaıdýllaeva.

Medıator-jattyqtyrýshy Safonova Larısa Vladımırqyzy is-sharaǵa qatysýshy jastardy oqý oryndarynda medıasııany qoldaný jáne ár qolaısyz jaǵdaıda qaýipsiz keńistikti qurý tásilderimen tanystyra otyryp, dáristi ınteraktıvti trenıng formatynda ótkizdi. Oqytý barysynda shaǵyn-dárister, praktıkalyq jattyǵýlar, róldik oıyndar, «mıǵa shabýyl», dıskýssııalar, jeke baılanystary bar ımıtasııalyq medıasııa ádis-tásilderi qoldanyldy. Qatysýshylarǵa daý-janjaldy jaǵdaılardy sheshý joldary men medıasııany tıimdi qoldaný tásilderi usynyldy, olar deldaldyq jáne kelissózder arqyly tabysty .

Semınar-trenıngten keıin qatysýshylarǵa sertıfıkattar men ádistemelik usynymdar berildi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir