Qamystybulaqtaǵy tańbaly tastarda qazaq tarıhynyń túrli kezeńin beınelengen

Jambyl aýdanyndaǵy Aqbulym aýyly mańyndaǵy Qamystybulaq shatqalynda qola dáýirinen orta ǵasyrǵa deıingi aralyqty qamtıtyn arheologııalyq eskertkish ornalasqan. «Qazaqstannyń kıeli jerleri geografııasy» jobasyna óńirlik mańyzǵa ıe nysan retinde engen bul orynda 50-ge jýyq jartasqa qashalyp salynǵan petroglıf bar, dep jazady Qamshy.kz aqparat agenttigi. 

Kóne zamannyń kózindeı jartastarǵa beınelgen sýretter qalǵan Qamystybulaq shatqaly bes taý qyratynan turady. El arasynda erterekte bul shatqaldyń ishinde bulaq sýynan aqqan sýdyń ózenge aınalyp, onyń jaǵasyna qalyń qamystyń qaýlaı óskenine oraı shatqaldyń Qamystybulaq atalǵany aıtylady. Degenmen qazir bul shatqaldaǵy bulaq sýy tartylyp, ózen kólshikke aınalǵan, jaǵasyndaǵy qamystary qýrap ketken.

Shatqaldyń kúnegeı qaptalyndaǵy qara granıt tastar birden kózge túsedi. Osy tastardyń betinde shekip salǵan óner týyndylaryn kezdestirýge bolady. Petroglıfter shatqaldyń boıyndaǵy 1 shaqyrym aralyqtaǵy jartastardyń kóbinde kezdesedi. Qazirgi tańda bul jartastardaǵy elýden astam sýretter belgili. Olarda taýeshki, túıe, buqa sııaqty janýarlar jáne ańshylar men jaýyngerler beınelengen. Petroglıfterde taýeshki beınesiniń jaı sulbasy ǵana berilse, buqa men túıelerdiń beıneleri núktelermen tolyqtyrylyp túsirilgen. Al adam beınelerinen qolyna kún ustap beınelegen. Keıbirinde sadaq atqan ańshy, naızasyn kóldeneń ustaǵan jaýynger, bı ústindegi eki adamdy kórýge bolady. Sondaı-aq qolyna qaıqy qylysh ustaǵan salt atty adamnyń beınesi ortaǵasyrlar kezeńine jatatyn bolsa kerek. Negizinen bul sýretterde kóne zamandaǵy taıpalardyń tirshiligi men salt-sanasyndaǵy nyshandar beınelengen. Ári petroglıfter arqyly sol zamandaǵy taıpalardyń tynys – tirshiligin tanýǵa bolady. Mundaǵy ańshylyq pen qarýly sarbaz beınesi qazaqtyń attyń jalynda, túıeniń qomyndaǵy jaýgershilik zamanynan habar beredi. Taýtekeniń múıizi men kúnniń beınesi búgingi memlekettik rámizderge tańbalanǵan qasterli nyshandar

Ǵalymdar bul jartastardaǵy beınelerdi kóne tarıhtan syr shertetin qundy derek kózi ári «ashyq aspan astyndaǵy galereıa» dep tanıdy.О́z kezeginde munda jergilikti jerdegi mektep oqýshylary jıi kelip, ondaǵy tarıhı jádigerlermen tanysyp turady.