• USD 389.52
  • EUR 429.21
  • RUB 6.07
  • CNY 54.94
14 Qazan, 05:21:44
Rasýl Jumaly: Qandastardyń «taý-tasty basyp óttik» deýi qısynǵa kelmeıdi

02 Qazan, 2019 Aımaqtar

Sýarmaly egistik alqabyn ulǵaıtý agrosalanyń tabystylyǵyna jol ashady

Qazaqstan Respýblıkasy Aýyl sharýashylyǵy mınıstrligi «Qazsýshar» kásipornynyń Baızaq aýdanyndaǵy «Baızaq» óndiristik bólimshesi óńirdegi aýyl sharýashylyǵy maqsatyndaǵy 32 553 gektar egis alqabyna sý jetkizýdi uıymdastyrady. Búginde sýarmaly jerlerdi qaıta qalpyna keltirý baǵdarlamasy aıasynda aýdandaǵy 14 098 gektar aýmaqtaǵy bolatyn 72 nysanda qaıta jańǵyrtý jumystary júrgizilmek, dep jazady Qamshy.kz aqparat agenttigi. 

Jalpy «Baızaq» óndiristik bólimshesiniń teńgeriminde «Temirbek» jáne «Talas» sý toraby bar. Olardyń enshisine 648,707 shaqyrymdy quraıtyn 105 dana kanal jáne 8 kollektorlyq drenaj júıesi tıesili. О́ndiristik bólimshede 45 maman qyzmet atqarady. Sý sharýashylyǵy mamandarynyń biliktiligin arttyrý da jiti nazarda.

–Budan ózge ótken jyly 14,412 gektar jerge kelisim-shart jasalyp, 78,158 mıllıon tekshe metr sý berilse jyl basynan beri 18,456 gektar jerge kelisim-shart jasalyp, 112,626 mıllıon tekshe metr sý berildi, – deıdi «Qazsýshar» oblystyq fılıalynyń basshysy Qazybek Bedebaev .

Jambyl fılıalynyń basshylyǵynyń tapsyrmasymen jalpy quny 63,9 mıllıon teńgege uzyndyǵy 85 shaqyrym bolatyn 10 kanalǵa mehanıkalyq tazalaý jumystary júrgizildi. Dál osy tazalyq jumystarynan soń atalǵan kanaldar arqyly ótken jyly 1304 gektar jer sýaryldy. Jyl basynan beri bul sý júıeleri arqyly 2707 gektar jer sýarylǵan. Negizinen aýdan aýmaǵyndaǵy sý nysandarynyń basym bóligi tehnıkalyq áleýeti syn kótermeıdi. Tipti 40-50 jyldaı jóndeı jumystary júrgizilmegen ári tazalanbaǵan kanal júıeleri de bar.

Búginde oblys aýmaǵynda sýarmaly egistik alqaptaryn ulǵaıtý jumystar qolǵa alynýda. Sonyń nátıjesinde aldaǵy 2 jylda kezinde túrli sebeptermen jaıylymdyq jerlerdiń sanatyna jatqyzylyp ketken 175,5 myń gektar qaıtadan egis alqaptaryna aınalmaq. Bul maqsatta oblys ákiminiń tikeleı bastamasymen qurylǵan mehanıkalandyrylǵan jasaqtyń da múmkindigi molynan paıdalanýda. Kúni búginge deıin «Talas Asa» mekemesi janynan qurylǵan mehanıkalyq otrıad kómegimen oblys aýmaǵyndaǵy jalpy uzyndyǵy 41,6 shaqyrymdy quraıtyn 7 kanal men 3 sý qoımasyna mehanıkalyq tazalaý jumystary júrgizildi. О́z kezeginde, bul sý júıeleri óńirdegi sýarmaly jer kólemin 1404 gektarǵa deıin ulǵaıtýǵa múmkindik berdi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir