Qylmystyń aldyn alý qyraǵylyqty qajet etedi

Quqyq qorǵaý júıesin tolyq reformalaý – asa mańyzdy mindetterdiń biri. Qazaqstan Respýblıkasynyń Prezıdenti Qasym-Jomart Toqaev «Syndarly qoǵamdyq dıalog-Qazaqstan turaqtylyǵy men órkendeýiniń negizi» atty Qazaqstan halqyna Joldaýynda osy baǵyttaǵy jumystarǵa basa nazar aýdardy. Bul turǵyda Memleket basshysy: «Polısııanyń memlekettik kúshtik qurylymyndaǵy beınesi birte-birte ózgerip, qaýipsizdikti qamtamasyz etý úshin azamattarǵa qyzmet kórsetetin organǵa aınalady.

Eń aldymen, 2020 jyldyń aıaǵyna deıin Ákimshilik polısııa komıtetiniń jumysyn qaıta uıymdastyrý qajet. Muny naýqanshyldyqqa aınaldyrmaı, sapaly júrgizgen jón.

Polıseıler jumysynyń tıimdiligi polısııa qyzmetiniń bedeldi bolýyna baılanysty.

Ishki ister mınıstrligin reformalaýǵa aldaǵy úsh jyl ishinde 173 mıllıard teńge bólinedi.

Bul qarajat eńbekaqyny kóbeıtýge, baspanany jalǵa alýǵa, halyqqa qyzmet kórsetý qaǵıdaty boıynsha polısııanyń zamanaýı front-ofısterin ashýǵa jumsalady» dep atap kórsetti.

Joldaý júktegen mindetter Jambyl oblysynyń Qordaı aýdanynda qalaı júzege asýda? Aýdan ákimdigi bergen resmı málimetterge súıensek, aǵymdaǵy jyldyń 8 aıynda jalpy qylmystardyń tirkelýi 493 oqıǵany quraǵan. Al bul ótken jyldyń esepti kezenimen 2 qylmysqa tómendegen. Sonymen qatar asa aýyr qylmystar 20 paıyzǵa, aýyr qylmystar 48,6 paıyzǵa, orta dárejedegi qylmystar 6,5 paıyzǵa tómendegen. Qylmystyń ashylýy 69,5 paıyz bolyp qalyptasyp, ótken jyldyń sáıkes jylymen salystyrǵanda 4 paıyzǵa artyp otyr.

Jalpy kelisimderde 2 ındıkator josparlanyp, 1 ındıkator oryndalmaýda, ıaǵnı bekitilgen mejege sáıkes 100 zardap shekken adamǵa shaqqandaǵy jol-kólik oqıǵalarynan 39 adam qaıys bolǵan. Kórsetkish 2018 jyldyń esepti kezeńimen salystyrǵanda 31 jol kólik oqıǵalarǵa nemese 36 qaza bolǵan adamǵa ulǵaıǵan. Indıkatordyń oryndalmaý sebebi retinde kólik júrgizýshilerdiń kinásinen Respýblıkalyq mańyzy bar joldarda jol kólik oqıǵalary sanynyń ulǵaıýy kórsetilýde. Deıturǵanmen bul baǵytta naqty sharalar qolǵa alynýda. Joldan júktelegen mindetterdiń aıasynda júzege asatyn júıeli jumystardyń kóp uzamaı óz jemisin beretindigine senim mol.