Jumyssyzdyqpen kúres júıeli jalǵasatyn bolady

Qazaqstan Respýblıkasynyń Prezıdenti Qasym-Jomart Toqaev «Syndarly qoǵamdyq dıalog-Qazaqstannyń turaqtylyǵy men órkendeýiniń negizi» atty Qazaqstan halqyna Joldaýynda ekonomıkany damytýǵa, shaǵyn jáne orta kásipkerlikti órkendetýge, aýyl sharýashylyǵy salasyn alǵa bastyrýǵa, ınvestısııa tartyp, salyqtyq túsimderdi arttyrýǵa basymdyq berdi. Munyń mán-mańyzy túptep kelgende jumys oryndarynyń sanyn kóbeıtip, áleýmettiń áleýetin arttyrýmen ushtasyp jatyr.

Bul turǵyda Memleket basshysy: «Azamattardyń barlyq syndarly ótinish-tilekterin jedel ári tıimdi qarastyratyn «Halyq únine qulaq asatyn memleket» tujyrymdamasyn iske asyrý – bárimizge ortaq mindet.

Bılik pen qoǵam arasynda turaqty dıalog ornatý arqyly ǵana qazirgi geosaıası ahýalǵa beıimdelgen úılesimdi memleket qalyptastyrýǵa bolady.

Sondyqtan azamattyq qoǵamǵa qoldaý kórsetip, onyń áleýetin nyǵaıta túsý kerek. Sondaı-aq, asa mańyzdy jalpy memlekettik mindetterdi sheshý úshin talqylaý jumystaryna azamattyq qoǵamnyń múmkindikterin keńinen qoldaný qajet.

Osy maqsatpen biz belgili qoǵam ókilderin qamtıtyn Ulttyq qoǵamdyq senim keńesin qurdyq. Bul keńes rotasııalyq tártippen jumys isteıdi»,-dep atap kórsetip, buqara men bıliktiń baılanysy bekı túsetindigin jetkizdi.

Áleýmettiń áleýetin arttyrýdyń tıimdi joly-jumyspen qamtý sharalaryn jandandyrý. Osy oraıda Jambyl oblysyndaǵy Qordaı aýdanynda tyndyrymdy tirlikter tiktelýde.

Jalpy, aýdan boıynsha aǵymdy jyldyń 8 aıynda resmı túrde jumyssyzdar esebinde 1035 adam tirkelgen. Bekitilgen mejege sáıkes jumysqa ornalasý máselesi boıynsha júgingen adamdardyń ishinen jumysqa ornalasqandarynyń úlesi 65 paıyzǵa josparlanyp, 87 paıyzǵa oryndalýda. Iаǵnı jumyspen qamtý ortalyǵyna qaıyrylǵan 2342 azamattyń 2021-in jumysqa ornalastyrý kózdelip otyr.

2019 jyldyń 1 qyrkúıegine ataýly áleýmettik kómekpen aýdan boıynsha 2756 otbasy nemese 15104 adam qamtylyp, 899,0 mıllıon teńgege járdemaqy tólenipti. Onyń ishinde respýblıkalyq bıýdjetten 799,5 mıllıon teńge, jergilikti bıýdjetten 99,5 mıllıon teńge qarastyrylǵan.

Sonymen qaar 2019 jylǵa 1 qyrkúıekke eńbekke qabiletti ataýly áleýmettik kómek alýshylar úlesi 32,4 paıyzdy quraıdy. Al ataýly áleýmettik kómek alýshy qatarynan shartty aqshalaı kómekpen qamtylǵan 13943 azamattyń 2646-sy jumyspen qamtýdyń belsendi sharalarymen qamtyldy. Bir sózben aıtqanda mejelerdegi bekitilgen 6 ındıkatorlardyń barlyǵy oryndalýda.