Densaýlyq saqtaý mekemeleriniń qatary artýda

Qazaqstan Respýblıkasynyń Prezıdenti Qasym-Jomart Toqaev «Syndarly qoǵamdyq dıalog-Qazaqstan turaqtylyǵy men órkendeýiniń negizi» atty Qazaqstan halqyna Joldaýynda densaýlyq saqtaq salasyn damytýǵa qatysty da mindetterdi naqtylap berdi.

Memleket basshysy medısınalyq qyzmet kórsetýdiń sapasy men qoljetimdiligin qamtamasyz etý týraly tarqata aıta kele «Bul jerde halyqtyń densaýlyǵyna baılanysty, ásirese, ana men sábı ólimine qatysty kórsetkishterdiń óńirlik teńgerimsizdigi aıqyn kórinedi.

Degenmen, bul kórsetkish tómendep keledi. Biraq áli de joǵary, sondaı-aq damyǵan elderdiń deńgeıinen aıtarlyqtaı kóp.

Úkimet ár óńir boıynsha medısınadaǵy naqty dertter toptamasy jóninde basymdyqtar tizimin jasap, sonyń negizinde bıýdjetten qarjy bólýi qajet.

2020 jylǵy 1 qańtardan bastap Qazaqstanda mindetti áleýmettik medısınalyq saqtandyrý júıesi iske qosylady» dep atap kórsetti.

Sonymen qatar Prezıdent jyldyń basty qujatynda mindetti áleýmettik medısınalyq saqtandyrýdyń júzege asyrylýy medısınalyq qyzmet kórsetýdiń sapasy men qoljetimdiligin jaqsartýǵa baǵyttalǵanyna aıryqsha toltaldy.

«Úshjyldyq bıýdjet aıasynda densaýlyq saqtaý júıesin damytýǵa qosymsha 2,3 trıllıonnan astam teńge bólinedi.

Úkimet áleýmettik medısınalyq saqtandyrý júıesiniń bedeline taǵy da nuqsan keltirmeý úshin ony júzege asyrý máselesine zor jaýapkershilikpen qaraýy qajet.

Bizdiń qatelesýge quqymyz joq» dedi Memleket basshysy.

Joldaý júktegen mindetter Qordaı aýdanynda da júıeli júzege asyrylatyn bolady. Ásirese, densaýlyq saqtaý mekemeleriniń materıaldyq-tehnıkalyq bazasyn nyǵaıtýǵa basa nazar aýdarylýda. Osy oraıda memlekettik-jekeshelik áriptestiktiń múmkindikteri keńinen paıdalanylmaq.

Jalpy aýdanda memlekettik-jekeshelik áriptestik aıasynda densaýlyq saqtaý salasy boıynsha 8 nysannyń qurylysy aıaqtalýda. Olardyń qatarynda Kenen, Stepnoe aýyldarynda ashylatyn 2 dárigerlik ambýlatorııa bar. Sonymen qatar Kalgýty, Kyzylsaı aýyldarynda feldsherlik akýsherlik pýnkter esigin aıqara ashpaq, Al Bel, Muzbel, Sarybastaý, Báıterek aýyldarynda medısınalyq tirek iske qosylady.