Prezıdent Aqjarqyn Turlybaıdyń isin ádil qaraý týraly eń joǵarǵy deńgeıde ótinish bildirdi

QR Syrtqy ister mınıstri Muhtar Tileýberdi Qytaıda tutqyndalǵan qazaqstandyq Aqjarqyn Turlybaı isi týraly pikir bildirdi, dep habarlaıdy Qamshy.kz aqparat agenttigi QazAqparat.  tilshisiniń deregine súıenip.

«Prezıdent Qytaıǵa barǵanda, isti barynsha ádil qaraý týraly eń joǵarǵy deńgeıde ótinish bildirdi. Degenmen, ózderińiz bilesizder, sot prosesi áli júrip jatyr, sondyqtan kútemiz. Sot prosesinen keıin bálkim, ony ekstradasııalaý kezeńine ótetin shyǵarmyz», - dedi Muhtar Tileýberdi «Nur Otan» partııasyndaǵy qabyldaýda tilshilerge bergen suhbatynda.

Eske sala ketsek, 13 qyrkúıekte Prezıdent Qasym-Jomart Toqaev Qytaıǵa memlekettik sapary barysynda esirtki kontrabandasymen aıyptalǵan otandasymyz Aqjarqyn Turlybaıǵa arasha tústi .

3 qyrkúıekte Gýanchjoý sotynda esirtki kontrabandasymen aıyptalǵan Aqjarqyn Turlybaıdyń qylmystyq isi boıynsha otyrys ótti. Otyrys barysynda qorǵaýshy tarap usynǵan qylmystyq istiń materıaldary qaraldy.

21 jastaǵy qazaq qyzy Aqjarqyn Turlybaı 2014 jyldyń naýryz aıynda Qytaıdyń Malaızııamen shekarasynda esirtkimen ustalǵan bolatyn. Onyń júk sómkesinen 4,5 keli esirtki tabyldy, Aqjarqyn ol týraly bilmeıtinin málimdegen. Osy is boıynsha Qytaıdyń Gýanchjoý soty Aqjarqyn Turlybaıdy esirtki kontrabandasymen aıyptap, ómir boıyna bas bostandyǵynan aıyrdy. 2016 jyly 7 sáýirde apellıasııalyq satydaǵy sot Aqjarqyn Turlybaıdy ómir boıyna bas bostandyǵynan aıyrý jazasyn ózgertý jáne isti birinshi satydaǵy sottyń qaraýyna jiberý týraly qaýly etken bolatyn.