Gonkongtaǵy narazylyq: rezeńke oǵy jýrnalısti bir kózinen aıyrdy

Qazannyń 1-i kúni Qytaı Kommýnıstik partııanyń  70 jyldyǵyn Pekınde sherýletip jatqan kezde, Qytaıǵa jartylaı baǵynatyn Gonkong halqy narazylyq bildirip, polısııamen qaqtyǵysqa túsýin jalǵastyrýda.  

 Halyqtyń narazylyq aksııasy úsh aıdan astam ýaqytqa sozylǵan. Aksııaǵa sebep bolǵan jaǵdaıdyń biri tutqyndardy Qytaıǵa ekstradısııalaý týraly zań jobasyna qarsylyq.

Álemniń 24 elinde, 65 qalada Gonkongtegi narazy topty qoldaý aksııasy bolyp ótti. Elimizdiń Nur-Sultan, Almaty qalalary da 29 qyrkúıek kúni 50-ge jýyq adam narazylyq sharasyn ótkizdi.

Búginniń ózinde Gonkongtaǵy narazylyq basylar emes. Belsendiler snarıad, benzındi bombamen qarýlanyp, Gonkongtyń birneshe aýdandarynda polısııamen qaqtyǵysyp jatyr dep habarlaıdy BBC News  aqparattyq agenttigi.

Polısııa 269 adamdy qamaýǵa alyp, 100-den astamy aýrýhanaǵa jetkizildi. Seısenbi kúngi oryn alǵan qaqtyǵys kezinde polısııa 900 rezeńke oq pen 1400 kózden jas aǵyzatyn gaz oǵyn shyǵarǵan.

Jeksenbi kúngi bolǵan qarsylyq kezinde ındonezııalyq «Sýara» gazetiniń jýrnalıstine rezeńke oǵy 12 metr qashyqtyqta kózine tıgen. Jýrnalısttiń advokaty Maıkl Vıdlerdiń aıtýynsha: «Ol aýrýhanaǵa jetkizildi. Dárigerler onyń máńgilikke kórý múmkindiginen aıyrylǵanyn málimdedi.»