• USD 389.52
  • EUR 429.21
  • RUB 6.07
  • CNY 54.94
16 Qazan, 04:26:33
Saılaý qarsańynda "joǵalyp ketken" akter Shrı-Lankadan sálem joldady (vıdeo)

03 Qazan, 2019 Áleýmet

Zeınetkerlerdiń háli qylmyskerlerden múshkil (vıdeo)

Elimizde zeınetkerler men ómir boıyna jazasyn óteýshiler birdeı qarajatqa ómir súrýde. Qazaqstandaǵy ortasha zeınetaqy mólsheri 85 myń teńge. Al Úkimet aýyr qylmys jasap, jazaǵa tartylǵandardy osynsha somaǵa asyrap otyr.  Erkindikten baǵaly eshteńe joq desek te, 36 myń zeınetaqy alyp júrgenderdiń jaıy qazir qamaýdaǵylardan múshkil bolyp tur dep jazady Qamshy.kz aqparat agenttigi Eýrazııa birinshi arnasynyń deregin negizge alyp.  

2 854 teńge. Elimizde ómir boıyna sottalǵandarǵa kún saıyn osynsha qarjy bólinedi. Bul somaǵa qylmysker tamaqtanady, aýyryp qalsa, emin alady, kıim-keshegi men turmystyq qajettiligi taǵy bar. Iаǵnı aýyr qylmys jasap, túrmege qamalǵan jazasyn óteýshini asyraýǵa úkimet aı saıyn 85 620 teńge bóledi. Qylmystyq atqarý júıesi komıteti keltirgen aqparatqa súıensek, ómir boıyna bas bostandyǵynan aıyrylǵan qazaqstandyqtardyń sany búginde 150 adam eken. Demek, memleket jyl saıyn olarǵa 156 mıllıon qarajat bólip otyr.

— Teńeý múmkin jaqsy sıpatta kórinbese de, bul jerde aıtylatyn bir aq shyndyq. Zeınetaqy alamyn dep zeınetkerlikke shyǵyp jatqandardyń bir jylyna tatymaıdy.bul qaı jaǵynan alyp qaraǵanda da jańsaq. Burynǵy dáýirdi qansha jamandasaq ta, ol kezde tıisti eńbegine qaraı aqsha alatyn edi, - deıdi ekonomıst Isataı Qambarov. 

Al, elimizdegi zeınetaqynyń ortasha mólsheri — 85 755 teńge. Jazasyn óteýshini ustaýǵa jumsalatyn qarajatpen birdeı. Al eń tómengi zeınetaqy...

— Elimizde eń tómengi zeınetaqy mólsheri 36 000 teńge. Bazalyqpen qosa eseptegende 54 myń teńgeni quraıdy, - deıdi QR Eńbek jáne halyqty áleýmettik qorǵaý mınıstri Birjan Nurymbetov. 

Qaǵys estigen joqsyz. Beınetiniń zeınetin kóretin jasqa jetkende qarttarymyz nebary 36 myń teńgege jan baǵýǵa májbúr. Alyp otyrǵany shaılyǵynan artylmasa da, olar bılikten kúder úzbek emes.

Eńbek jáne halyqty áleýmettik qorǵaý mınıstri bıyl da jyldaǵy dástúrden jańylmaımyz dep otyr. 2020 jyldan bastap zeınetaqy mólsheri artady degen ýádesin berdi. Qanshalyqty qaryq qylatyny ázirge belgisiz. Onymen birge túrmedegilerge de bólinetin qarjy óse bermek.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir