• USD 389.52
  • EUR 429.21
  • RUB 6.07
  • CNY 54.94
21 Qarasha, 00:29:32
Qazaqstan Ýkraınanyń saýda naryǵyna alańdaýly

03 Qazan, 2019 Saıasat

Toqaev pen Pýtın Sochıde kezdesti

Qazaqstan men Reseı prezıdentteri Valdaı forýmynda kezdesedi. Jıynda Shyǵystyń álemdik naryqqa áseri talqylanady

Toqaev pen Pýtın Sochıde kezdesti dep habarlaıdy Qamshy.kz aqparat agenttigi akorda.kz saıtyna silteme jasap.

Resmı kezdesý rásiminen keıin memleketter basshylary shaǵyn jáne keńeıtilgen quramda kelissózder júrgizdi.

Qasym-Jomart Toqaev Qazaqstan Prezıdenti laýazymyna kirisýine baılanysty quttyqtaǵany jáne jyly lebiz bildirgeni úshin Vladımır Pýtınge rızashylyq bildirip, óziniń alǵashqy sheteldik saparynyń Reseı Federasııasyna jasalýynyń sımvoldyq mánin atap ótti.

Memleket basshysy Qazaqstan men Reseıdiń qazirgi yqpaldastyǵy kópshilik úshin qarym-qatynas jasaýdyń jarqyn úlgisi bolyp sanalatynyn aıtty.

– Memleket basshysy retinde men Qazaqstannyń Tuńǵysh Prezıdenti – Elbasy Nursultan Ábishuly Nazarbaev saıasatynyń sabaqtastyǵyn qamtamasyz etip, Qazaqstan men Reseı arasyndaǵy ekijaqty yntymaqtastyqty jan-jaqty ári belsendi damytý isin jalǵastyra beremin, – dedi Qasym-Jomart Toqaev.

Qazaqstan Prezıdenti eki eldiń ekonomıkalyq yntymaqtastyǵyna, ásirese energetıka, kólik, tranzıt, ónerkásip jáne ǵarysh salalary máselelerine arnaıy toqtaldy.

– Reseı Qazaqstannyń syrtqy saýdasyndaǵy «nómiri birinshi» áriptesi bolyp qala beredi. Qazaqstannyń saýda aınalymyndaǵy onyń menshikti úlesi 19 paıyz. Investısııalyq yntymaqtastyq qarqyndy damýda. Elimizde Reseı kapıtaly qatysatyn 9 myńnan astam kásiporyn óz jumystaryn tabysty atqarýda, – dedi Memleket basshysy.

Vladımır Pýtın Qasym-Jomart Toqaevtyń Memleket basshysy retinde Reseıge alǵashqy saparynyń sımvoldyq mánin atap ótip, eki el arasyndaǵy baılanystardyń joǵary deńgeıde ekenin aıtty.

– Siz qarym-qatynasymyzdyń deńgeıin bilesiz jáne ózińiz de buǵan kóp úles qostyńyz. Árıne, bul – Qazaqstannyń Tuńǵysh Prezıdenti Nursultan Nazarbaevtyń qajyrly eńbegi. Bizdiń jaı áriptes qana emes, halyqaralyq uıymdar aıasynda da, ekijaqty baılanystar boıynsha da jaqyn odaqtas ekenimiz sózsiz. Qarym-qatynasymyz óte tıimdi damýda. Naqty ári aıqyn nátıjelerge qol jetkizip kelemiz. Bul halyqtarymyzdyń tynys-tirshiliginen kórinis taýyp otyr. Sizdiń búgingi saparyńyz keń aýqymdaǵy ekijaqty odaqtastyq baılanystarymyzdy nyǵaıtýǵa septigin tıgizetinine senimdimin, – dedi Vladımır Pýtın.

Kezdesý barysynda memleketter basshylary mádenı-gýmanıtarlyq saladaǵy memleketaralyq ózara yqpaldastyq máselelerin talqylady, sondaı-aq óńirlik jáne halyqaralyq kún tártibindegi ózekti taqyryptar boıynsha pikir almasty.

Ilmek sózder: toqaev pýtın

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir