• USD 389.52
  • EUR 429.21
  • RUB 6.07
  • CNY 54.94
14 Qazan, 05:30:37
Rasýl Jumaly: Qandastardyń «taý-tasty basyp óttik» deýi qısynǵa kelmeıdi

03 Qazan, 2019 Ádebıet

Nur-Sultanda "Abaı álemi" ortalyǵy boı kóteredi

Memleket basshysy Nur-Sultan qalasynyń ákimi Altaı Kólginovti qabyldady, - dep habarlaıdy Qamshy.kz aqparat agenttigi Aqorda saıtyna silteme jasap.

Memleket basshysyna áleýmettik álsiz toptardy qoldaý maqsatynda ashylǵan "Januıa" ortalyǵynyń jumysy, endi salynatyn ıppoterapııa jáne eki birdeı ońaltý ortalyǵy jaıynda baıandaldy.

Qazaqstan Prezıdentiniń úı kezeginde turǵan azamattardy, onyń ishinde az qamtylǵan otbasylardy, jumys isteıtin jastardy turǵyn úımen qamtý maqsatynda qoljetimdi baspana qurylysyn arttyrý týraly tapsyrmasynyń oryndalý barysy jaıynda esep berildi.

Elorda ákimi úleskerlik problemaly qurylystar jaıy, qala shetindegi aýyl-aımaqtardy damytý máselesi aldaǵy 3 jyldyq bıýdjette qarastyrylǵanyn atap ótip, qalany gazben qamtý boıynsha atqarylyp jatqan jumystar týraly jetkizdi. Qalany abattandyrý boıynsha esepten belgili bolǵandaı, eski alańnyń aýmaǵynan bastap shahardyń eki jaǵyn qosatyn jaıaý júrginshilerge yńǵaıly jol tóseledi.

Jalpy jaıaý júrginshilerge yńǵaıly 80 shaqyrym jol tóselip, aldaǵy 3 jylda 100 shaqyrymnan astam velojol salynady. Sýmen qamtý jumystaryn jetildirý úshin atqarylatyn sharalar týraly da aıtyldy. Qala ákimi sharýashylyqpen qatar megapolıstiń mádenı ómiri boıynsha da josparlarmen bólisti.

Nur-Sultan qalasynda Uly Abaıdyń 175 jyldyǵyna oraı "Abaı álemi" ortalyǵy boı kóteredi. Sonymen qatar Sáken Seıfýllın, Beıimbet Maılın jáne Ilııas Jansúgirovtiń 125 jyldyq mereıtoılaryna baılanysty qoladan quıylǵan "Úsh arys" eskertkishi ornatylady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir