• USD 389.52
  • EUR 429.21
  • RUB 6.07
  • CNY 54.94
15 Qazan, 15:38:30
Saılaý qarsańynda "joǵalyp ketken" akter Shrı-Lankadan sálem joldady (vıdeo)

02 Qazan, 2019 NEWS

Jezqazǵanda sý berý áli qalpyna keltirilmedi (vıdeo)

Eki kúnnen beri Jezqazǵandaǵy kommýnaldyq qyzmetter Úıtas-Aıdos sý jınaǵyshynan qalaǵa tartylǵan qubyrdaǵy apattyń saldaryn joıýmen aınalysýda dep jazady Qamshy.kz aqparat agenttigi. 

Keshe qala ákimi Q.Begimov apat saldary búgin joıylyp, qalaǵa sý beriletinin aıtqan bolatyn. Alaıda búgin ákim óz paraqshasynda qalpyna keltirý jumystarynyń áli jalǵasyp jatqanyn habarlady.

Esterińizge salsaq, keshe Qaraǵandy oblysynyń ákimi J.Qasymbek Q.Begimovke sógis jarııalady.

Al, oblystyń jańa ákimi Jeńis Qasymbek apat týraly bylaı jazdy.

"Jezqazǵan sý qubyryn jóndeý kezinde qubyr jarylyp ketkenin bilip otyrmyn. Sońy avarııaǵa ulasqan. Jeliniń jalpy uzyndyǵy – 60 km eken. Apat qaladan 25 shaqyrym jerde bolǵan. Buǵan  50 jyl buryn salynǵan qubyrdyń ábden tozýy sebep bolyp otyr.
Dál qazirgi ýaqytta 389 kóp qabatty úıde sý joq. Sý 3 qabattan joǵary ornalasqan páterlerge túspeıdi. Turǵyndarǵa táýlik boıy sý tasymaldaý uıymdastyryldy.
Qazir jóndeý ári qalpyna keltirý jumystary júrgizilýde. Barlyq qajetti tehnıka men mamandar tartyldy. Sondaı-aq meniń orynbasarym Ermaǵanbet Bólekpaev, Jezqazǵan qalasynyń ákimi Qaırat Begimov pen tıisti mamandar apat ornynda júr Bul jaǵdaı meniń turaqty baqylaýymda ekenin jetkizgim keledi",- dep jazdy Jeńis Qasymbek óziniń feısbýk paraqshasyna.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir