Aldaǵy kúnderi 12 gradýsqa deıin úsik júredi

«Sýyq jáne aýqymdy antısıklonnyń ortalyǵy Batys Sibirdiń ońtústigine aýysty, biraq onyń saldary aldaǵy úsh kúnde respýblıkanyń kóptegen aımaqtarynda aýa-raıyn anyqtaıdy. Sondyqtan Qazaqstan aýmaǵynyń basym bóliginde jaýyn-shashyn bolmaıdy, túnde aıaz bolady», - delingen resmı habarlamada.

3-5 qazan kúnderi respýblıkanyń ortalyq jáne shyǵys aımaqtarynda túngi temperatýra 1-7 gradýsqa deıin tómendep, keı jerlerde termometr 12 gradýsqa deıin tómendeıdi.

Kúndizgi temperatýra kóterile bastaıdy, biraq áli kúnge deıin ol klımattyq normadan tómen bolyp tur. Batys óńirlerde temperatýra 3-5 gradýsqa joǵary.

Sondaı-aq, sınoptıkter Qostanaı oblysynda daýyldy eskertý jarııalady. 3 qazanda oblystyń keı jerlerinde tuman túsedi, kúndiz ońtústik-batystan sekýndyna 15-20 metr jyldamdyqpen jel soǵady. Qostanaı qalasynda ońtústik-batystan jel soǵady, ekpini sekýndyna 18 metrge jetedi. Daýyldyń yqtımaldyǵy 90-95 paıyzdy quraıdy.