02 Qazan, 2019 NEWS
Aǵymdaǵy jyl basynan beri Zaısan aýdanyna 5 mlrd 948,5 mln teńge ınvestısııa tartylǵan. Bul týraly óńirlik kommýnıkasııalar qyzmetinde ótken brıfıngte Zaısan aýdanynyń ákimi Serik Aqtanov málim etti.
Brıfıngte aýdan basshysy óńirdegi ónerkásip ónimderiniń kólemi 13 mlrd 362,1 mln teńgeni qurap, 37,2 myń tonna tas kómir, 51 tonna óńdelgen sút ónimderi jáne 331,9 mln tekshe metr tabıǵı gaz óndirilgenin atap ótti.
– Aýdanda aýyl sharýashylyǵy óniminiń jalpy kólemi 11 mlrd. 208,2 mln teńgeni qurap otyr. Bul ótken jylmen salystyrǵanda 11,6%-ǵa kóp, – dedi Serik Aqtanov.
Bıyl aýdanda asyl tuqymdy mal sharýashylyǵyn damytýdy sýbsıdııalaýǵa 31,5 mln teńgeniń 81 ótinimi qabyldanǵan. Sonymen qatar mal sharýashylyǵyn damytýǵa bet burǵan kásipkerlerge memleket tarapynan basqa da kómekter kórsetilýde. Aǵymdaǵy jyly aýdandaǵy eki sharýa qojalyǵy (Mametek jáne Erasyl sharýa qojalyqtary) «Sybaǵa» baǵdarlamasy boıynsha Reseıden 179 bas iri qara maldaryn satyp ákeldi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir