• USD 389.52
  • EUR 429.21
  • RUB 6.07
  • CNY 54.94
16 Qazan, 01:59:50
Saılaý qarsańynda "joǵalyp ketken" akter Shrı-Lankadan sálem joldady (vıdeo)

02 Qazan, 2019 NEWS

Jylý qazandyǵynyń máselesi sheshildi

ShQO ákimi Danıal Ahmetov Jarma aýdanyna jumys saparymen baryp, OV-156/18 mekemesindegi óndiristik aýmaqta bolyp, jylý qazandyǵynyń qurylysymen tanysty.

Esterińizge sala keteıik, jylý qazandyǵynyń qurylysy 2011 jyldyń mamyr aıynda bastalǵan bolatyn. Josparǵa sáıkes nysan 2013 jyly qoldanysqa berilýi tıis edi. Alaıda jobany iske qosý jumystary barysynda qıyndyqtar týyndady. Budan bólek, 2016 jyly jobanyń bas qurylys merdigeri bolyp taǵaıyndalǵan «Qurylys-montaj kásiporyny – Almaty» JShS bankrotqa ushyrady. Jalpy aıtqanda, qurylys-montaj jumystary 71 paıyzǵa oryndalǵan. Osy kúnge deıin aýyl turǵyndary 1965 jyly salynǵan eski qazandyqty paıdalanyp otyr. Qazandyq mazýtpen jumys isteıdi. Danıal Ahmetovtiń aıtýynsha, sonyń saldarynan aıtarlyqtaı shyǵynǵa battyq. Sebebi jylý qazandyǵynyń ksplýatasııasyna jyl saıyn 500 mıllıon teńge jumsalǵan. Soǵan qaramastan úıdegi jylý talapqa sáıkes kelmegen.

ap

Aǵymdaǵy jyl basynda komıssııa qurylyp, qurylysy bitpegen nysanda tehnıkalyq zertteý júrgizilgen. Sóıtip, shilde aıynda bul jumysqa «AzııaEnergoProektMontaj» JShS jańa merdiger bolyp taǵaıyndaldy.

Kompanııa túzetýler engizip, jobadaǵy qatelerdi jóndep, jylý qazandyǵynyń qurylysyn aıaqtady. Qazir nysandy iske qosý jumystary júrgizilýde.

– Birneshe kúnnen keıin jańa jylý qazandyǵy qoldanysqa beriledi. Osylaısha, qanshama jyldan beri turǵyndardyń alańdatyp kelgen másele sheshimin tapty. 10 qazannan bastap aýyldaǵy barlyq úıge jylý beriledi, – dedi Danıal Ahmetov.

Aıta keteıik, Shýaq kentinde 500-ge jýyq otbasy turady. Onda 9 kópqabatty turǵyn úı bar. Qylmystyq-túzeý mekemesinde ulttyq gvardııashylardy qosqanda 550 adam jumys isteıdi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir