Túrkistanda qaı nysannyń qurylysy birinshi aıaqtalady?

Almaty ákimi Baqytjan Saǵyntaev Túrkistan oblysyna jasaǵan jumys sapary kezinde Túrkistan qalasyndaǵy medıaortalyqtyń qurylys alańynda boldy.

Bul – Almatynyń elimizdiń rýhanı astanasyna jasaǵan syılyǵy. Aıta keterligi, ol qalanyń jańa ákimshilik-iskerlik ortalyǵyndaǵy qurylysy aıaqtalǵan alǵashqy nysandardyń birine aınalmaq. Medıaortalyq astanalyq «Qazmedıa ortalyǵy» TRK-dan keıin jańadan salynǵan ekinshi nysan.

Qazirgi kezde Qazaqstannyń qalǵan barlyq medıaortalyqtary jabdyqtalǵan ǵımarattarda ornalasqan. Medıaortalyq ǵımaraty shynymen tolyq árlengen. Onyń jalpy kólemi – 3000 sharshy metrden astam. Munda oblystyń barlyq telearnalarynyń, gazet pen radıonyń redaksııalary ornalasady. О́ńirge túrkitildes elderdiń iri BAQ ókilderin shaqyrý josparlanǵan.

Jobanyń jalpy quny – 4,8 mlrd tg. Onyń ústine, tek qural-jabdyqtar qunynyń ózi 2 mlrd tg. quraıdy.

Qurylys-montaj jumystary 2019 jyldyń aqpan aıynda bastalǵan edi. Qurylystyń aıaqtalýy – 2019 jyldyń qazan aıy. Barlyq qajetti jabdyqtardy tolyǵymen ornalastyrý sheshýshi kezeń bolyp tabylady.