• USD 389.52
  • EUR 429.21
  • RUB 6.07
  • CNY 54.94
18 Qazan, 13:19:15
Sarapshylar joldaýdyń júzege asyrylýyn talqylady

01 Qazan, 2019 Barlyq aımaqtar

«Qazaǵym» dep, qyryqqa keldi azamat!...

Bolat Múrsálimdi tanyǵyń kelse, onymen tek áńgimelesý kerek.

1- qazan. Búgin  Bolat Múrsálim qyryqqa toldy.

Bireýler bar, istegenin jarııa qylady. Sony jany súıedi. Búkil bilgenin áleýmettik jelige jarııalaıdy. Qaıda barǵanyn salady. Halyq  úshin jumys istep júrgendeı ózin jıi kórsetedi.

Al biraq ult úshin utymdy jumys isteýdiń jóni bólek. Bolat Múrsálim osyndaı azamat. Ol otyzynda orda buzyp, qyryq jasyna qaırattanyp keldi. Qazaqqa qyzmet qyldy. Kórkem minezben keldi. Aqtańdaqty aqtardy. «Alashordanyń» abyroıyn asyrdy. Aqıqatty aıtty. Alash ıdeıasymen qarýlanǵan adam óziniń shyn qazaq  ekenin ózgege únsiz ǵana moıyndatady. Tarıhty qunyǵa zerttegen adam, ony baǵalaǵan adam ǵana ultyn súıedi.

Bolat Múrsálim qyryq jasyna deıin qarqyndy jumys istedi. Halyqtyń kókirek kózin ashyp, kúni -túni «Kúltóbede» júrdi. Kórermenge «Mezgildiń» mánin uqtyrdy. Búgin de  «Sózdiń shyny kerek» dep júgirip júr.

Ol – jýrnalıst, Ol – ádebıettanýshy. Ol – Alash zertteýshisi. Bolat Múrsálim – ádebıette jaqsy esim kórse, qýanyp tilektestigin bildirip otyratyn  qamqorshy aǵa. Ol sóz ónerine sergek qaraıtyn atpal azamat.  

Ol ınternetti aqtardy, kóne jazbalardy qopardy. Alash qaıratkerleriniń fotolaryn izdedi. Jınaqtady. Reseı muraǵattaryn kezdi. Álıhan Bókeıhannyń Dýmaǵa depýtat bolǵan kezdegi eski fotosyn tapty. Alash tulǵalarynyń atylar aldyndaǵy júrek aýyrtar sýretterin kórdi. Ony jurtshylyqqa jarııa qyldy. Muny tarıhyn, ultyn súıip jany aýyrǵan, janashyr adam  ǵana isteı alady.

Bolat Múrsálimdi tanyǵyń kelse, onymen tek áńgimelesý kerek. «Qazaǵym»  dep, qyryqqa kelgen azamat áli de ult úshin utymdy jumys jasaı beredi. Senemiz...

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir