• USD 389.52
  • EUR 429.21
  • RUB 6.07
  • CNY 54.94
21 Qarasha, 00:27:08
Qazaqstan Ýkraınanyń saýda naryǵyna alańdaýly

28 Qyrkúıek, 2019 Jambyl oblysy

«Tártipke bas ıgen qul bolmaıdy»

«Tártipke bas ıgen qul bolmaıdy» dep Er Báýkeń aıtqandaı, tártipsiz memlekettiń irgetasyn nyǵaıtý múmkin emes. Muny Memleket basshysy Qasym-Jomart Toqaev óz Joldaýynada da basa aıtty. Osyǵan oraı Jambyl oblysy, Baızaq aýdandyq polısııa bóliminiń bastyǵy, polısııa polkovnıgi Asylhan Zaýrbekov Báıterek aýyldyq okrýgi turǵyndaryna esep berdi dep jazady Qamshy.kz aqparat agenttigi .

N.Kıikbaev atyndaǵy mektep – gımnazııasynda ótken jıyndy polısııa bólimi bastyǵynyń orynbasary Ǵalymjan Orazbekov ashyp, kún tártibindegi máselemen tanystyrdy. Ármen qaraı sóz alǵan Asylhan Ázimhanuly ishki ister organdarynyń mindeti – tártip saqshylary men halyq arasyndaǵy ózara is-qımyldy jandandyrý, polısııa qyzmetiniń ashyqtyǵy men tıimdiligin arttyrý, azamattardyń quqyqtary men bostandyqtaryn qorǵaý bolyp tabylatyndyǵyn jetkizdi. Sonymen qatar, baıandamashy aýdandaǵy qylmystyq ahýal jáne qylmystyq quqyq buzýshylyqtardyń aldyn-alý baǵytynda atqarylǵan jumystarǵa toqtaldy.

Polısııa bóliminiń materıaldyq-tehnıkalyq bazasy jyldan-jylǵa nyǵaıyp kele jatqandyǵyn, bıylǵy jyly polısııa ınspektorlary jańa kólikpen qamtylǵandyǵyn jetkizdi. Aǵymdaǵy jyldyń segiz aıynda oryn alǵan qylmystyq derekterge, atap aıtqanda páter, mal urlyǵynyń ashylý deńgeıine, oryn alǵan jol-kólik oqıǵalaryn tarqatyp aıtyp berdi. Esepti kezeńde jalpy qylmystyq quqyqbuzýshylyq deńgeıi 12 paıyzǵa tómendegen. Aýdanda 4 qylmystyq top quryqtalyp, mal urlyǵy boıynsha 8 adamnan turatyn 3 qylmystyq toptyń joly kesilgen. Qoǵamdyq oryndarda oryn alǵan keleńsizdikter boıynsha ústimizdegi jyldyń segiz aıynda 25 quqyq buzýshylyq anyqtalyp, ákimshilik jaýapkershilikke tartylǵan.

Asylhan Ázimhanuly qoǵamdyq tártipti saqtaý jáne qaýipsizdikti qamtamasyz etý maqsatynda kóshelerde jáne adam kóp jınalatyn qoǵamdyq oryndarda ornatylǵan beınebaqylaý kameralarynyń mańyzyna aıryqsha toqtaldy. Ásirese, usaq buzaqylyq, urlyq faktilerin áshkereleýde jáne kóshe tártibin nyǵaıtýda baqylaý beınekameralarynyń kómegi zor ekendigin, aýdan ortalyǵy men aýyldyq okrýgterde ornatylǵan beınebaqylaý kameralardyń arqasynda biraz qylmystar áshkerlengen. Atalǵan kameralardy biryńǵaı ortalyqtandyrylǵan júıege qosyp, polısııa bólimine kóshirý josparlanǵandyǵyn jetkizdi.

Sondaı-aq, jol-kólik oqıǵalarynyń aldyn alý baǵytynda atqarylyp jatqan sharalar men polısııa jumysyn servıstik modelge kóshirýge baǵyttalǵan tirlikterden aqparat berdi. Esep-berý jıynyna qatysqan turǵyndar suraqtaryn qoıyp, usynystaryn bildirdi. Atap aıtqanda, quqyq buzýshylyq pen tártipsizdiktiń aldyn alý úshin turǵyndardyń tártip saqshylarymen birlesip jumys jasaýdyń mańyzy kóterilip, azamattar boıynda zań buzylýyna tózbeýshilik mádenıetin qalyptastyrý joldary sóz boldy.

Turǵyndardyń árbir saýalyna Asylhan Ázimhanuly tyńǵylyqty jaýap bere kele, quqyq buzýshylyqqa tózbeý – bul qylmys pen quqyq buzýshylyqtardyń aldyn alýdaǵy jáne qoǵamdyq tártipti saqtaýdaǵy mańyzdy qadamdardyń biri ekendigin, azamattardyń qaýipsizdigi men tynysh-tyǵynyń qorǵany bolý – tártip saqshylary úshin bir jaǵynan abyroı bolsa, ekinshi jaǵynan jaýapty is bolyp tabylatyndyǵyn aıtty.

Ilmek sózder: jambyl oblysy

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir