• USD 389.52
  • EUR 429.21
  • RUB 6.07
  • CNY 54.94
15 Qazan, 15:39:45
Saılaý qarsańynda "joǵalyp ketken" akter Shrı-Lankadan sálem joldady (vıdeo)

30 Qyrkúıek, 2019 Jambyl oblysy

Jambyl oblysy: jas kásipkerlerge keń óris

Nátıjeli jumyspen qamtýdy jáne jappaı kásipkerlikti damytýdyń 2017 – 2021 jyldarǵa arnalǵan “Eńbek” baǵdarlamasynyń ekinshi baǵyty «Bastaý bıznes» kásipkerlik negizderine oqytý kýrsy aıasynda «Jas kásipker» jobasynyń 70-ke jýyq qatysýshysyna aýdan ákiminiń orynbasary Nurdos Toıbaev jastarǵa sáttilik tilep, arnaıy sertıfıkattardy tabystady dep jazady Qamshy.kz aqparat agenttigi .

Qatysýshylardyń eń basty artyqshylyqtary – olar áli jas, kúshi kóp jasampaz jandar. Olar bilýge qumar jáne izdenimpaz. О́zderin-ózderi jetildirýge daıyn. Alǵan bilimderin tájirıbede qoldanýdy jón sanaıdy. Bir aıǵa sozylǵan oqý barysynda jas kásipker mektebiniń tyńdaýshylary bıznes júrgizýdiń zańdyq, ekonomıkalyq jáne áleýmettik qyrlaryn, sondaı-aq marketıng pen menedjmentti oqyp, bıznes-jospar qurýdy úırendi. Kásipkerler palatasynyń bıznes-jattyqtyrýshysy Dıana Baltabaıqyzynyń pikirinshe, atalǵan kýrs kásipkerlik negizderin tanyp, túsinýge kómektesken. Tyńdaýshylar ázirlegen josparlaryn tanystyryp, bolashaq jobalaryn qorǵady.

Bir aıta keterligi, jobalar aýyl sharýashylyǵy salalaryn, ásirese, mal sharýashylyǵy salasyn keńinen qamtyǵan. Jastar óz bıznes-jobalarynda qoı sharýashylyǵy (onyń ishinde, sútti eshkiler ósirý), qus sharýashylyǵy, maılar men maılar óndirisi, tigin sehy (atele, toqý sehy), sulýlyq salondarynyń qyzmetteri (shashtaraz), avtoservıs (tehnıkalyq qyzmetteý stansııasy, shınomontaj, avtobólshekter), nan-toqash jáne kondıterlik ónimder óndirisi, qoǵamdyq tamaqtaný qyzmetteri, sheberhana (tehnıkany jóndeý, kádesyılar, qural-saımandar) jáne jylyjaı sharýashylyǵyna basymdyq bergen.

Aıta keteıik, atalmysh joba nátıjeli jumyspen qamtýdy jáne jappaı kásipkerlikti damytýdyń 2017 – 2021 jyldarǵa arnalǵan “Eńbek” baǵdarlamasy aıasynda «Atameken» Ulttyq kásipkerler palatasynyń bastamasymen júzege asyrylyp otyr. Oqytý uzaqtyǵy – úsh apta. Oqý kezeńine shákirtaqy tólenedi. Oqý aıaqtalǵannan keıin sertıfıkat beriledi. Sertıfıkat 200 aılyq eseptik kórsetkishke (505 myń teńge) deıingi sommada grant alýǵa konkýrsqa qatysýǵa quqyq beredi. Sonymen qatar tómen paıyzda nesıe alamyn deýshilerge qarjylyq súıemeldeý jasalady. Bizdiń aýdan boıynsha osy jobany júzege asyrý barysynda birinshi lekte 50, al, ekinshi lekte 70 jasty qamtý jáne olardy belsendi kásipkerlikke tartý kózdelgen.

Ilmek sózder: jambyl oblysy

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir