Jambyl oblysy: jármeńke jumyssyzdardyń jolyn ashty

Jumyspen nátıjeli qamtý – halyqty áleýmettik qamsyzdandyrýdyń negizi, adamı resýrstar potensıalynyń damýy men iske asyrylýynyń mańyzdy sharty bolyp tabylady. Osy baǵytta aýdanda atalmysh reformany júzege asyrý boıynsha birqatar jumystar atqarylýda. Sonyń biri – jumyssyz azamattar esebinde tirkeýde turǵandarǵa uıymdastyrylǵan bos jumys oryndarynyń jármeńkesi dep jazady Qamshy.kz aqparat agenttigi .

Jambyl oblysy “Nur Otan” partııasy Baızaq aýdandyq fılıalynyń qoldaýymen “Kedergisiz keleshek” partııalyq jobasy aıasynda, múmkindigi shektelýi jandar men jumys izdeýshilerge arnalǵan bos jumys oryndarynyń jármeńkesin ótkizýge aýdan ákimdigi halyqty jumyspen qamtý ortalyǵy uıytqy boldy. Atalmysh jármeńkege “Nur Otan” partııasy aýdandyq fılıalynyń esep jáne statıstıka sektorynyń meńgerýshisi Qaldybaı Kýsemısov, aýdan ákimdigi halyqty jumyspen qamtý jáne áleýmettik baǵdarlamalar bólimi basshysynyń orynbasary Jarqynbek Aıtqulov, aýyldyq okrýg ákimshilikteri jáne jumys izdeýshiler men jumys berýshiler qatysty. Sharany aýdan ákimdigi halyqty jumyspen qamtý ortalyǵy dırektorynyń orynbasary Saltanat Abdreeva júrgizdi.

Jármeńkede jumys berýshiler tarapynan usynylǵan bos jumys oryndaryna jumyssyz azamattarǵa mamandyqtaryna sáıkes, jumysqa ornalasý múmkindikteri boıynsha túsindirme jumystary júrgizildi. Jumyssyz azamattardy tirkeý jáne esepke qoıý, jumyssyzdardy jumysqa ornalastyrý, bos jumys oryndaryna qajetti qujattardy rásimdeý jáne joldama berýmen ortalyq mamandary Dıdar Sansyzbaev, Asel Baktııarova, Maman Oljas aınalyssa, Aınur Izbasova múgedekterdiń kvotamen jumysqa ornalasýyn uıymdastyrdy.

Nátıjesinde jármeńkege qatysqan 8 jumys berýshi tarapynan bos jumys oryndaryna 9 joldama berildi. Atap aıtqanda, Ǵ.Baıtasov atyndaǵy tirek mektebine bir birlik eden jýýshy, “Astana” balabaqshasyna horeograf, Kóktal orta mektebine kúzetshi, N.Kıikbaev atyndaǵy mektep – gımnazııasyna psıholog pen bastaýysh synyp muǵalimi, Ǵ.Muratbaev gımnazııasyna psıholog, Aqsholaq orta mektebi men №4 mektep – lıseıine bir-bir birlikpen aýla sypyrýshylar, psıhologııalyq – pedagogıkalyq túzetý kabınetine bir birlik psıholog jumysqa beriletin joldamaǵa ıe boldy.

Jumyspen qamtylǵan jumyssyzdarǵa saltanatty túrde joldamalary tabys etildi. Indıkator kórsetkishimen bekitilgen múgedekterdi jumyspen qamtýǵa qatystyrýdyń jyldyq jospary 46 adam bolsa, jyl basynan qamtylǵandar sany 51 adamdy qurap, aǵymdaǵy jyldyń segiz aıy qorytyndysymen meje 110,9 paıyzǵa oryndalyp otyr.