• USD 389.52
  • EUR 429.21
  • RUB 6.07
  • CNY 54.94
15 Qazan, 10:35:50
Ermekbaev: Jumys qaýipti, ómirleri úshin qaýip-qater bar

26 Qyrkúıek, 2019 Jambyl oblysy

Jambyl oblysy: «Aýyl – el besigi» eldi mekenderdiń eńsesin tikteýde

Memleket basshysy óz Joldaýynda aýyldyq jerlerdiń áleýmettik ortasyn jańǵyrtý qajettiligin aıtty. Osy maqsatta Elbasy «Aýyl – el besigi» jobasynyń bastalǵanyn jarııalaǵan edi. «Aýyldyq jerlerdiń áleýmettik ortasyn jańǵyrtýǵa da kirisýimiz qajet. Osyǵan baılanysty arnaıy «Aýyl – el besigi» atty jobany júzege asyrý qajet. Bul arqyly qazaqstandyqtardyń jergilikti jerdegi eńbegine qatysty ıdeologııany qolǵa alýymyz kerek. Bul ákimshilikterdiń mindeti», – dedi Memleket basshysy. Aýyldardyń jaǵdaıyn jaqsartyp, aýyl halqynyń turmys óresin kóterý úshin qolǵa alynǵan «Aýyl – el besigi» jobasy qarqyndy jumys isteýde. Sonyń bir jarqyn mysaly bizdiń aýdanda da kórinis tabýda. Elbasynyń tikeleı bastamasymen qolǵa alynǵan joba aıasynda Jambyl oblysy, Baızaq aýdany ortalyǵy sanalatyn Sarykemer aýylyn damytýǵa baǵyttalǵan naqty ister júzege asyrylýda dep jazady Qamshy.kz aqparat agenttigi .

Joba aıasynda joldar jóndelip, bilim berý, densaýlyq saqtaý mekemeleriniń materıaldyq-tehnıkalyq bazasy kúsheıtilip, az qamtylǵan jáne kópbalaly otbasylarǵa kómek kórsetilýde. Dárigerlik ambýlatorııa, balabaqsha men mádenıet úıleri syndy áleýmettik nysandar qurylysynyń jobalary da júzege asyrylyp jatyr. Aýyl aýmaǵyn abattandyrý isi de jaqsy qolǵa alynǵan. Ár aýylda shyrshalar otyrǵyzylyp, gúlzarlar egilip, júrginshiler úshin joldar salynýda. Atap aıtar bolsaq, «Aýyl – el besigi» jobasy boıynsha usynylǵan jobalardan Sarykemer aýylynda barlyǵy 948,0 mln. teńgege 29 joba iriktelip alyndy. Onyń ishinde, kóshelerdi jaryqtandyrýǵa 4 joba 372,6 mln. teńgege, bilim nysandaryn kúrdeli jáne aǵymdaǵy jóndeýge 4 joba 253,7 mln. teńgege, densaýlyq saqtaý salasy nysandaryn kúrdeli jáne aǵymdaǵy jóndeýge 2 joba 93,9 mln. teńgege, sport nysandaryn kúrdeli jáne aǵymdaǵy jóndeýge 3 joba 60,1 mln. teńgege, mádenıet salasyna 5 joba 52,5 mln. teńgege, joldardy jóndeýge 10 joba 108,0 mln. teńgege jáne 1 joba jumyspen qamtý ortalyǵynyń ǵımaratyn aǵymdaǵy jóndeý 7,2 mln. teńgege jóndelýde. Jumystardyń ýaqytyly jáne sapaly atqarý maqsatynda is-shara jospary bekitilip, turaqty baqylaýǵa alyndy. Qazirgi tańda, 29 jobanyń jeńimpazdary anyqtalyp, 28 joba boıynsha jumystar júrgizilip jatyr. Báıterek aýyldyq okrýgindegi “Jıdeli” kóshesinde jol jabynyn ortasha jóndeý jumysy jobasy ǵana bastalmady. Al, búgingi tańda 29 jobanyń 11 jobasy aıaqtaldy. Olar: Sarykemer aýylyndaǵy ortalyq aýrýhanany aǵymdaǵy jóndeý, balalar jasóspirimder sport mektebin aǵymdaǵy jóndeý, Sarykemer aýylyndaǵy Ǵ.Muratbaev atyndaǵy gımnazııanyń shaǵyn stadıonyn aǵymdaǵy jóndeý, Báıterek aýyldyq okrýgindegi “Novaıa” jáne “Baızaq batyr” kóshelerin elektrmen jaryqtandyrý, aǵymdaǵy jóndeý, Sarykemer aýylyndaǵy ortalyq kitaphana ǵımaraty men murajaıdy aǵymdaǵy jóndeý, sonymen qatar, Sarykemer aýylyndaǵy “Baızaq batyr”, “D.Qonaev”, “Tóle bı”,

“J.Dıdarbekov”, “U.Syzdyqbaev”, “Naýryz”, “Saparalıev”, “M.Áýezov”, “M.Áýezov burylysy”, “Raıymbek baba”, “Buralqıev”, “Y.Súleımanov”, “Qulymbaev”, “Sypataı batyr”, “Báıdibek baba”, “M.Mámetova” kóshelerin aǵymdaǵy jóndeý jumystary aıaqtaldy. Aǵymdaǵy jyldyń shilde aıy men tamyz aıyna ıgerýge josparlanǵan qarajat 185 260 mln. teńgeni qurasa, onyń 184 798 mln. teńgesi ıgerilip, ıgerilmegen qarjy kólemi jergilikti bıýdjetten 5 690 mln.teńgeni qurap otyr. Elbasy Nursultan Nazarbaev «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty halyqqa Joldaýynda aýyldyq jerlerdiń áleýmettik ortasyn jańǵyrtý maqsatynda «Aýyl — el besigi» aýqymdy jobasynyń iske qosqanyn joǵaryda aıttyq. Osy baǵdarlama aıasynda el damýynyń altyn besigi bolǵan aýyldar qarqyndy damyp keledi. Bul joba aldaǵy ýaqytta budan da úlken jetistikterge bastaıtyny sózsiz

Ilmek sózder: jambyl oblysy

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir