• USD 468.56

  • EUR 497.56

  • RUB 7.3

  • CNY 67.18

29 Naýryz, 08:52:41
Almaty
+35°

Taraz qalasyndaǵy «Ǵylymı-klınıkalyq kardıohırýrgııa jáne transplantologııa ortalyǵy» jaýapkershiligi shekteýli seriktestiginiń bas dırektory, tanymal kardıolog Seıithan Joshybaev Qyrǵyzstan Respýblıkasy Prezıdenti Saýranbaı Jıenbekovtyń qolynan atalǵan eldegi joǵary marapattyń biri sanalatyn «Dostyq» ordenin aldy. Bul orden jerlesimizge júzdegen qyrǵyzstandyqtyń ómirin qutqarǵany jáne atalǵan eldegi medısınalyq qyzmetkerlerdi daıyndaýǵa qosqan úlesi úshin berilgen, dep jazady Qamshy.kz aqparattyq agenttigi.

1939 jyly Jambyl oblysynyń Turar Rysqulov aýdany, Aqyrtóbe aýylynda dúnıe esigin ashqan Seıithan Joshybaev shynynda Qyrǵyzstan medısınasyna kóp eńbek sińirdi. Bul marapatqa deıin tanymal kardıolog Qyrǵyzstannyń eńbek sińirgen dárigeri ataǵyn ıelengen edi. Sondaı-aq Keńes odaǵynyń densaýlyq saqtaý isiniń úzdigi dep te tanyldy. 2006 jyldan beri Seıithan Joshybaev Taraz qalasyndaǵy «Ǵylymı-klınıkalyq kardıohırýrgııa jáne transplantologııa ortalyǵy» jaýapkershiligi shekteýli seriktestigine jetekshilik etedi.

Aıta ketý kerekaıyr qalpaqty aǵaıynnyń eń joǵary memlekettik nagradasyn ıelengen qazaqstandyq dáriger joǵary medısınalyq bilimdi de Bishkek qalasynan alǵan. Ol 1962 jyly sol kezdegi Frýnze qalasyndaǵy Qyrǵysztannyń memlekettik medısına ınstıtýtyn támamdaǵan. Osydan soń Seıithan Joshybaev densaýlyq saqtaý isiniń eń kúrdeli salasymen shyndap aınalysýǵa kirisedi. 5 jyl boıy Qyrǵyzstannyń Naryn, Talas qalalarynda dárigerdiń assısenti, dáriger ordınator bolyp eńbek etedi.Keıinnen bilimin Máskeý qalasynda jetildirip, ondaǵy Júrek-qan tamyrlary ǵylymı-zertteý ınstıtýtynyń aspırantýrasyn bitiredi. Máskeýden qaıta oralyp, Qyrǵyzstandaǵy túrli medısınalyq uıymdarda bólim meńgerýshisi, respýblıkalyq klınıkalyq aýrýhanada hırýrg, Qyrǵyzstan memlekettik medısına ınstıtýtynda kafedra meńgerýshisi laýazymdaryn atqardy.

Seıithan Joshybaev araǵa shırek ǵasyr ýaqyt salyp, Qazaqstanǵa qaıta oralyp, Almatydaǵy Syzǵanov atyndaǵy Júrek-qan tamyrlary ınıstıtýtynyń jetekshilik jasaıdy. Munan keıin týǵan jeri Jambyl oblysyna kelip, Taraz qalasyndaǵy «Ǵylymı-klınıkalyq kardıohırýrgııa jáne transplantologııa ortalaǵyna» basshylyq etti. Bul mekeme búginde respýblıkadaǵy júrekti emdeý isindegi jetekshi medısınalyq uıym sanalady. Tanymal kardıologtyń qazaqstandyq medısınaǵa sińirgen eńbegi de eskerýsiz qalǵan emes. Ol 2001 jyly «Eren Eńbegi úshin» medalin ıelense, 2008 jyly elimizdegi joǵarǵy memlekettik marapat sanalatyn «Parasat» ordeni men marapattaldy. Keıinnen «Qazaqstan Táýelsizdigine 20 jyl», II dárejedegi «Barys» ordeniniń ıegeri atandy.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir