Jambyl oblysy: tarıhty tanýdaǵy taǵylymdy basqosý

M.H.Dýlatı atyndaǵy Taraz memlekettik ýnıversıtetinde «Tarıhı tulǵalar: tarıhı-rýhanı sabaqtastyq» taqyrybynda halyqaralyq ǵylymı-praktıkalyq konferensııa boldy. Otandyq tarıh ǵylymynyń belgili ǵalymdary qatysqan jıynda ózge memlekettiń tarıhshylary da qatysyp, qazaq tarıhyna qatysty tyń derekterimen bólisti, dep jazady Qamshy.kz aqparattyq agenttigi. 

Elbasynyń «Bolashaqqa baǵdar:rýhanı jańǵyrý», «Uly Dalanyń jeti qyry» maqalalarynyń negizgi ózegi tarıhty taný arqyly ótkennen sabaq alýdy kózdeıtini jasyryn emes. Búginde qazaq shejiresindegi keı júzderge rý retinde engizilgen keı taıpalalyq odaqtardyń qazaq etnonımi paıda bolǵanǵa deıin iri memleket bolǵanyna tarıh. Tipti olardyń Eýrazııa memleketterindegi geosaıası jaǵdaıǵa yqpaly óte zor bolǵan.

Bul taqyryp tóńireginde «Tarıhı tulǵalar: tarıhı-rýhanı sabaqtastyq» taqyrybynda halyqaralyq ǵylymı-praktıkalyq konferensııa qatysýshylary mol málimetterimen bólisti. Konferensııa jumysyna memleket jáne qoǵam qaıratkeri, О́mirbek Báıgeldi, Qazaqstan Jazýshylar odaǵynyń múshesi, fılologııa ǵylymdarynyń doktory, professor Mekemtas Myrzahmetuly, Shyǵystaný ınstıtýtynyń dırektory, fılologııa ǵylymdarynyń doktory, professor Derbisáli Ábsattar , QR UǴA Qurmetti akademıgi, Talas Omarbekov syndy belgili tarıhshylar men qoǵam qaıratkerleri qatysty.

Sondaı-aq sharaǵa arnaıy qatysqan Bolgarııa, Reseı, О́zbekstannyń shyǵystanýshy ǵalymdary qazaq halqynyń etnıkalyq tarıhy, sonyń ishinde dýlat taıpasy men uly babalarymyzdyń murasyna qatysty zertteý jumystarynyń nátıjesin ortaǵa saldy. Máselen Chývashııa ǵylym Akademııasynyń akademıgi, Reseı, Chývash Jazýshylar odaǵynyń múshesi Ábdýqadir Dáýitbek óz ǵylym zertteýlerinde dýlat taıpasynyń tereńnen tamyr tartatyn tarıhymen birge olardyń keıingi urpaqtarynyń Eýrazııa dalasyndaǵy birqatar memleketke basshylyq etip, kári qurlyqtaǵy geosaıasatta yqpaldy tulǵalar bolǵandyǵyn aıǵaqtaıdy.

Sáıkesinshe qazaqstandyq tarıhshy ǵalymdarda uly babalarymyz jaıyndaǵy mol derekterdiń birqatar sheteldik muraǵattarda saqtalǵanyn aıtyp, ony zertteý jumystaryna jan bitirýdegi Elbasy Nursultan Nazarbaevtyń «Uly Dalanyń jeti qyry» maqalasyndaǵy «Arhıv 2025» baǵdarlamasynyń múmkindikterine keńinen toqtaldy.