Oqýshylar qarııalarǵa izet kórsetti

Aqtaý qalasyndaǵy hımııa-bıologııa baǵytyndaǵy Nazarbaev Zııatkerlik mektebiniń oqýshylary 1-qazan - qarttar kúnine oraı «Úlkenge bizde izet bar» atta qurmet kúnin ótkizdi. Bilim ordasynyń oqýshylary ata-ájelerin mektepke shaqyryp, olardyń ómir týraly tereń oılaryn tyńdady.

«Dara jol» baǵdarlamasy formatynda uıymdastyrylǵan júzdesýge 10 «D» synybynyń oqýshysy Kamıla Orazǵalıdyń atasy Orazǵalı О́teýlıev, 10 «A» synybynyń oqýshysy Baǵdat Kýrentaevtyń atasy Kúreńtaı Izbergenov, 10 «S» synybynyń oqýshysy Nurberdi Myrzabaıdyń atasy Saılaý Qalıev,12 «I» synybynyń oqýshysy Jansaıa Balhaevanyń atasy Jýmanýr Balhaev keldi. Olar bozbalalyq shaqtary, armandary, eńbek joldary, ómir jáne otbasylyq qundylyqtary týraly aıtyp, jınalǵan oqýshylardy áńgimege uıytty. О́z kezeginde zııatkerler atalaryna arnap, kórinis qoıyp, qazaqtyń kıeli dombyrasynan kúı kúmbirletti.

• Mektebimizge kelgen atalarymyz kópti kórgen, ónegelik joly bar, tereń oıly aqsaqaldar eken. Mańǵaz Mańǵystaýdyń qarııalary kóptegen tushymdy oılar aıtyp, balalardy da ózimizdi de rýhanı baıytyp, úlken tárbıelik saǵatyn ótkizdi. Kesh sońynda balalar tipti kezdesýden ketkisi kelmedi, - deıdi mektep dırektorynyń orynbasary Altynzer Ihsanova.

Sondaı-aq, zııatkerler ordasynda qarııalarǵa izet kórsetý maqsatynda «Urpaqtar sabaqtastyǵy» fotokórmesi uıymdastyryldy. Oqý ǵımaratynyń bas dálizinde balalardyń ata-ájelerimen túsken sýretteri qaz-qatar ilinip, ystyq lebiz bildirý taqtaıshasy ornatyldy.

Qarttarǵa qurmet osymen bitpek emes. Qazannyń besi kúni «Meıirim óskini» oqýshylardyń qaıyrymdylyq toby Mańǵystaý oblystyq qarttar úıiniń aqsaqaldaryna «Bookcrossing» jobasy aıasynda kitaptar men osy kúnge deıin birlese ótkizgen kezdesýlerden estelik albom syılamaq. Sonymen qatar, qarııalarmen Kaspıı jaǵasyna jáne qala ishine ekskýrsııa josparlanǵan.