• USD 389.52
  • EUR 429.21
  • RUB 6.07
  • CNY 54.94
15 Qazan, 15:30:09
Saılaý qarsańynda "joǵalyp ketken" akter Shrı-Lankadan sálem joldady (vıdeo)

27 Qyrkúıek, 2019 Jambyl oblysy

Jambyl oblysy: kásipkerler quqyǵy qorǵalýda

«Atameken» Ulttyq kásipkerler palatasynyń negizgi mindetteriniń biri – Qazaqstan Respýblıkasynda kásipkerlik bastamany iske asyrý úshin qolaıly quqyqtyq jaǵdaılar jasaý bolyp tabylady. Osy baǵytty ustanǵan palata óńir-óńirlerde kásipkerlerdiń quqyqtary men zańdy múddelerin qorǵaý qyzmetin kórsetip keledi. Sondaı-aq, salaǵa qatysty zańnamany jetildirý prosesinde kásipkerlik múddelerin qorǵaýda dep jazady Qamshy.kz aqparat agenttigi.

Bul baǵyttaǵy jumystar Jambyl oblysynda da júrgizilýde. Atap aıtsaq, aǵymdaǵy jyldyń 8 aıynda Jambyl oblysynyń kásipkerler palatasyna barlyǵy 225 ótinish kelip túsken. Palata qyzmetkerleri jiti taldaýynan ótken suranystar jan-jaqty qaralyp, nátıjesinde 48-i oń sheshimin tapqan. Osylaısha, palata bıznes ókilderin qoldaý kórsetip qana qoımaı, olardyń jalpy somasy 727 449 276 teńgeni quraıtyn múliktik quqyqtaryn qorǵap qalǵan.

Bıznesti qorǵaýdyń eń pármendi quraldarynyń biri – Jambyl oblysy Kásipkerler Palatasynyń Kásipkerler quqyǵyn qorǵaý jáne sybaılas jemqorlyqqa qarsy is - qımyl jónindegi keńesi. Turaqty jumys isteıtin konsýltatıvtik-keńesshi organ jáne kásipkerlik sýbektileriniń quqyqtary men zańdy múddelerin usyný, qamtamasyz etý jáne qorǵaý máseleleri boıynsha mindetterdi jedel jáne júıeli sheshý, sondaı-aq Jambyl oblysynda bıznesti damytýdyń problemalyq máselelerin jarııa etý maqsatynda qurylǵan. 2019 jyldyń aǵymdaǵy kezeńinde kásipkerlerdiń quqyqtaryn qorǵaý jáne sybaılas jemqorlyqqa qarsy is-qımyl jónindegi Keńestiń 7 otyrysy ótkizildi. Olardyń qaraýyna 11 problemaly másele shyǵaryldy, onyń 5-ýi oń sheshilgen.

Budan bólek, kásipkerler óńirlik palataǵa jer qatynastary, memlekettik satyp alý jáne salyq salý salasyndaǵy problemalar boıynsha da júginýde.

– Búgingi tańda qalalar men eldi mekenderde kommersııalyq maqsattar úshin jer ýchaskelerin alý nemese satyp alý jambyldyq kásipkerlerdiń eń mańyzdy problemalarynyń biri bolyp otyr. Qazaqstan Respýblıkasy Jer kodeksiniń 48-babyna sáıkes memlekettik menshiktegi jer ýchaskelerin nemese jer ýchaskelerin jaldaý quqyǵyn berý saýda-sattyqta, onyń ishinde uıymdastyrý jáne ótkizý tártibi Qazaqstan Respýblıkasy Ulttyq ekonomıka mınıstriniń 21015 jylǵy 31 naýryzdaǵy №290 buıryǵymen bekitilgen Erejemen rettelgen elektrondyq saýda-sattyq ótkizý jolymen júzege asyrylady. Búgingi kúni jer ýchaskelerin berý boıynsha ótkizilgen barlyq saýda-sattyq standartty shemalar boıynsha júzege asyryldy, – deıdi

Jambyl oblysy kásipkerler palatasy dırektorynyń quqyqtyq máseleler jónindegi orynbasary Irına Kım.

Ilmek sózder: jambyl oblysy

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir