Jambyl oblysy: polıseıler án aıtyp, jan jadyratty

Y.Dúkenuly atyndaǵy Taraz qalalyq mádenıet úıinde ońtústik aımaqtaǵy ishki ister organdarynyń qyzmetkerleri arasynda «Án júrekte – týǵan jer» atty patrıottyq án art festıvaliniń óńirlik konkýrsy ótti dep jazady Qamshy.kz aqparat agenttigi.

Patrıottyq án óneri baıqaýy ishki ister organdary qyzmetkerleriniń rýhanı deńgeıi men patrıottyq tárbıesin jetildirýge, olardy ulttyq jáne álemdik mádenıet pen ónermen tanystyrýǵa, ujymdardaǵy moraldyq-psıhologııalyq ahýaldy jaqsartýǵa, sondaı-aq Qazaqstannyń jaǵymdy ımıdjin nyǵaıtý maqsatynda uıymdastyryldy. Konkýrsqa Almaty jáne Túrkistan oblystarynyń polısııa departamentteriniń, Almaty jáne Shymkent qalalarynyń, Almaty oblysynyń mamandandyrylǵan kúzet qyzmeti basqarmasy, sonymen qatar ózimizdiń oblystyq polısııa departamenti, qylmystyq-atqarý júıesi departamenti jáne mamandandyrylǵan kúzet qyzmeti basqarmasy shyǵarmashylyq ujymdary qatysyp, ónerlerin ortaǵa saldy.

Sharanyń ashylý saltanatyna qatysqan aımaq basshysynyń orynbasary Sulýshash Qurmanbekova Elbasynyń «Bolashaqqa baǵdar: rýhanı jańǵyrý» maqalasynda ulttyq salt-dástúrlerimiz, tilimiz ben mýzykamyz, ádebıetimiz, joralǵylarymyz, ulttyq rýhymyz boıymyzda máńgi qalýǵa tıis ekendigi aıtylǵanyn tilge tıek etip, quqyq qorǵaý salasyndaǵy mamandardyń rýhy bıik bolýy qajettigin jetkizdi. Sondyqtan ulttyq rýhty kóterýde án óneriniń alatyn mańyzy joǵary ekendigine basa aıtyp, qatysýshylarǵa sáttilik tiledi. О́z kezeginde oblystyq polısııa departamenti basshysynyń orynbasary, polısııa polkovnıgi Baqytjan Eralın konkýrs Elbasy N.Nazarbaevtyń «Bolashaqqa baǵdar: rýhanı jańǵyrý» baǵdarlamalyq maqalasynyń jáne Jastar jyly aıasynda uıymdastyrylyp jatqanyn jetkizdi.

– Polısııa qyzmetkerleriniń jas urpaqqa patrıottyq tárbıe berýde jaýapkershiligi joǵary. Ári olardyń týǵan jerge degen mahabbat sezimi, joǵary azamattyq ustanymdy jáne dańqty dástúrdiń adal izbasarlary bolýǵa degen umtylysy jastarǵa úlgi bolýǵa tıis. Sondyqtan olar óz eliniń patrıoty bolýlary kerek. Osy oraıda biz jas qyzmetkerler arasynda patrıottyq ánderdiń eń jaqsy úlgilerin nasıhattaı otyryp, keıingi tolqynǵa estetıkalyq talǵam, memleketimizdiń tarıhyna qurmet sezimin uıalatýdy maqsat ettik, – dedi B.Eralın.

Jalpy baıqaýda qatysýshylar estradalyq, akademııalyq jáne halyqtyq stılde patrıottyq shyǵarmalardy dýet, trıo jáne kvartet bolyp oryndaý boıynsha úsh nomınasııada baq synady. О́z kezeginde qazylar alqasy olardyń tańdaǵan repertýarlarynyń kórkemdik qundylyǵy, oryndaý sheberligi, sahna mádenıetine baǵa berdi. Biraq qazylar alqasyna úzdikterdiń úzdigin anyqtaý ońaıǵa túspedi. Sebebi qatysýshylar óte joǵary deńgeıde óner kórsetip, quqyq qorǵaý salasyndaǵy qyzmetterinen bólek ónerge de talasy bar ekendikterin baıqatty. Degenmen dýetpen án aıtýda Almaty oblysynyń

mamandandyrylǵan kúzet qyzmeti basqarmasy qyzmetkerleriniń kórsetken óneri ózgelerden erekshelenip turdy. Trıo retinde án oryndaýda Jambyl oblysynyń mamandandyrylǵan kúzet qyzmeti basqarmasynyń ónerpazdary myqty ekendikterin dáleldeı bilse, Almaty qalalyq polısııa departamentiniń tórttigi kvartetter arasynda úzdik dep tanyldy.

О́ńirlik konkýrstyń jeńimpazdary qazan aıynyń 14-16 juldyzy aralyǵynda Petropavl qalasynda ótetin respýblıkalyq festıvalde baq synaıdy