• USD 389.52
  • EUR 429.21
  • RUB 6.07
  • CNY 54.94
21 Qarasha, 00:31:11
Qazaqstan Ýkraınanyń saýda naryǵyna alańdaýly

29 Qyrkúıek, 2019 Aımaqtar

Jambyl oblysynda 12 myń gektar alqapqa egin egilgen

Talastyq dıqandar Jer-Ananyń jomarttyǵyn jaqsy túsinedi. Sol sebepti, múmkindiginshe keń alqapqa dán seýip, mol ónim alýǵa umtylyp turady. «Dıqan jerge toımas» degen osy bolsa kerek dep jazady Qamshy.kz aqparat agenttigi.

Jalpy, 2019 jyldyń ónimi úshin Talas aýdanynda barlyǵy 12 171 gektar alqapqa aýylsharýashylyǵy daqyldaryn ornalastyrý jáne 1 600 gektar par daıyndaý josparlanǵan. Onyń ishinde, kúzdik bıdaı 4 000 gektar jáne burynǵy jyldardaǵy kópjyldyq shóp 4 221 gektardy quraıdy. Kóktem aılarynda 3950 gektar alqapqa jazdyq aýyl sharýashylyǵy daqyldaryn egý josparlanyp, 3286 gektarǵa aýylsharýashylyǵy daqyldary ornalastyrylǵan. Onyń ishinde, 1310 gektar jazdyq arpa, 380 gektar dándik júgeri, 600 gektar maqsary, 100 gektar kúnbaǵys, 130 gektar kartop, 320 gektar baqsha, 230 gektar kókónis bar. Osy tusta aıta ketetin jaı, 2019 jyldyń ónimi úshin josparlanǵan 3200 gektar kúzdik bıdaıdyń ornyna 4000 gektar jerge kúzdik bıdaı artyǵymen egildi.

Aǵymdaǵy jyly Aqkól aýyldyq okrýgindegi «Beken» sharýa qojalyǵynda 130 gektar qant qyzylshasy, 50 gektar kartop, 30 gektar pııaz, 20 gektar sábiz egilgen alqapqa tamshylatyp sýarý tehnologııasyn engizip otyr.

Tamdy aýyldyq okrýginde ornalasqan «Tamdy» temir beton júıesin aǵymdaǵy jóndeý jumystaryna oblystyq bıýdjetten 35 mln. teńge bólindi. Temir beton lotoktaryn qaıta qalpyna keltirgen jaǵdaıda 1200 gektar alqapty tolyǵymen jáne ýaqytyly sýmen qamtýǵa bolady

– Jalpy, jobanyń quny 70 mıllıon teńgeni quraıdy. Qazirgi tańda memlekettik satyp alý jumystary júrgizilýde, merdiger qyrkúıek aıynda anyqtalady. «Tamdy» sý júıesi massıvin mehanıkalyq otrıad arqyly qaıta qalpyna keltirý usynyldy. Bul massıv «Tamdy» - 2,14 mln. tekshe metr, «Jartas» - 5,05 mln. tekshe metr, «Myńshuqyr» - 7,0 mln. tekshe metr sý qoımalarynan sý jetkiziledi. Lotok júıesiniń magıstraldy lotoktarynyń uzyndyǵy 6,1 km, sýarylatyn alqap 1200 gektar, – deıdi aýdan ákimi D. Alıev.

Jalpy, Talas aýdanynyń jer kólemi 1 mln. 220 myń 562 gektardy quraıdy. Onyń ishinde egistik jerler 21 myń 439 gektar, shabyndyq 22 myń 785 gektar, jaıylymdyq 414 myń 450 gektar.

2019 jyldyń naýryz aıynda 1 konkýrs ótkizilip 21 jer ýchaskesi, jer kólemi 9 667 gektar, onyń ishinde 123,3 gektar sýarmaly egistik, 9543,7 gektar jaıylym jer konkýrs arqyly berildi jáne esepti merzimde 2 aýksıon ótkizilip 2,1 gektar jer ýchaskesi aýksıonǵa berilip, jergilikti bıýdjetke túsetin qarjy 17 mln. 239 myń teńgeni qurady.

Ilmek sózder: jambyl oblysy egin egý

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir