Jambyl oblysynda mal basy artyp, ónimi ósýde

Jambyl oblysynda mal basy artyp, ónimi ósýde dep jazady Qamshy.kz aqparat agenttigi.

Aýyl sharýashyly – halyqtyń negizgi tabys kózi, Áýlıeata óńiriniń asyraýshy salasy. Ony damytý arqyly aımaq ekonomıkasyn kóterip, turǵyndar turmysynyń tiktelýine jol asha alamyz. Muny talastyqtar jete túsinedi. Sondyqtan, atalmysh saladaǵy jumys qarqynyn jyl sanap arttyryp keledi.

Buǵan dálel – bıyl aýdanda 6 mlrd. 608 mln. 900 myń teńgeniń aýyl sharýashylyǵy ónimi óndirilgen. Nemese ótken jyldaǵy kórsetkishten 498 mln. 200 myń teńgege artyp otyr.

–2018 jyldyń 8 aıymen salystyrǵanda mal basynyń da artqany baıqalyp otyr. Máselen, bıyl múıizdi iri qara maly 27 769 basty qurap, 3,7 paıyzǵa, qoı-eshki 395 650 basty qurap, 3,2 paıyzǵa, jylqy 10 989 basty qurap, 4,1 paıyzǵa, túıe 2 458 basty qurap 9,9 paıyzǵa, úı qustary 34 633 basty qurap 8,3 paıyzǵa ósti.

Tıisinshe, olardan alynatyn ónim kólemi de artyp otyr. Atap aıtqanda, ótken jyldyń esepti kezeńimen salystyrǵanda et 8 myń 138,4 tonna qurap, 2,9 paıyzǵa, sút 6 myń 360 tonna qurap, 2,7 paıyzǵa, jumyrtqa 1 mln. 949 myń dana óndirilip, 0,4 paıyzǵa, jún 289,7 tonna qurap, 1,9 paıyzǵa artyq oryndalǵan, – deıdi aýdan ákimi D. Alıev.

Bul ónimder jergilikti tutynýshylardy ǵana qamtamasyz etip qoımaı, eksportqa jóneltilip jatqany da barshylyq. Mysaly, 2019 jyldyń 8 aıynda «Merki et kombınaty» JShS-na 26,7 tonna qozy eti ótkizilgen. Úsharal aýyldyq okrýgindegi «Áden» sharýa qojalyǵy mal bordaqylap, óziniń Taraz qalasyndaǵy konservi óńdeý sehynda qoı, sıyr, jylqy jáne túıe etin konservlep ótkizýde.

– Sol sııaqty, «Aqbas» jáne «Yntymaq» sharýa qojalyqtary 500 bastyq jáne 1000 bastyq mal bordaqylaý alandar salýda. 2020 jyldan bastap maldy bordaqylaý josparlanýda.

2019 jyldyń 8 aıynda «Sybaǵa» baǵdarlamasy boıynsha Qyzyláýit aýyldyq okrýgindegi «Yntymaq» «Káýsar» sharýa qojalyqtary shetelden 114 bas etti-sútti baǵytyndaǵy «Cımmental» tuqymdy múıizdi iri qaranyń analyq basyn ákeldi. Sonymen qatar, «Qazyna» jáne «Naıza-Qyzyl» sharýa qojalyqtary shet elden 100 bas etti-sútti baǵytyndaǵy iri qara malyn ákelý josparlanýda.

Qarataý qalasynda táýligine 2 tonna sút ónimderin óndiretin sehty ashý maqsatynda jeke kásipker «Serjanov» tarapynan jumystar jasalýda. Jobanyń quny 28 mln. teńgeni quraıdy. Qazirgi tańda nesıe alý baǵytynda jumystar júrgizilýde. Qyzyláýit aýylyndaǵy «Káýsar» sharýa qojalyǵy óz qarjysyna 200 basqa arnalǵan taýarly sút fermasyn salyp jatyr.

Bostandyq aýylyndaǵy «Tájibaı» aýyl sharýashylyq óndiristik kooperatıvi bıylǵy jyly «Aýyl sharýashylyǵy qoldaý qory» AQ arqyly nesıege sút jınaıtyn tanker jáne sút tasıtyn avtomashına alyp, sút ónimderin qaıta óńdeý baǵytynda jumystaryn josparlaýda, – deıdi Dosmahanbet Qasymuly.