Sulýshash Qurmanbekova Sarysý aýdanynda jumys saparymen boldy

Jambyl oblysy ákiminiń orynbasary Sulýshash Qurmanbekova issaparmen Sarysý aýdanynda boldy dep jazady Qamshy.kz aqparat agenttigi.

Sulýshash Sátbekqyzy sapary kezinde ol aýdan jurtshylyǵymen júzdesip, áleýmettik nysandardyń tynys-tirshiligimen tanysty.

Sulýshash Sátbekqyzy jumys saparyn Jańatalap aýyldyq okrýgine qarasty Uıym aýylyndaǵy Y.Súleımenov atyndaǵy orta mektebindegi sport zal qurylysynyń jumystarymen tanysýdan bastady.

Sonan soń oblys ákiminiń orynbasary Saýdakent aýylyndaǵy «Aqbota» bóbekjaı- baqshasyna soǵyp, ondaǵy búldirshinderge jasalǵan jaǵdaıdy kórdi. Balabaqsha meńgerýshisi ǵımaraty 1972 jyly paıdalanýǵa berilgendigi men syıymdylyǵy 280 oryndyqty balabaqsha ekendigin basqa da kezekte turǵan balalar sany men qajettilikterin jetkizdi.

Al,Saýdakent aýylyndaǵy tehnıkalyq shyǵarmashylyq ortalyǵyna kelgende Sulýshash Sátbekqyzy ondaǵy oqýshylar qolymen jasalǵan robottarmen tanysyp, olardyń jumys atqarýyn iske qosý arqyly tekserip kórip, tánti boldy. Mundaı tehnıkalyq shyǵarmashylyq ortalyqtyń jumysyn baǵalaý kerek dep kóńili toldy. Aýdan ákimi Qanatbek Mádibek óz kezeginde atalmysh ujymnyń iskerligin tilge tıek ete kele, jetistikteri aýyz toltyryp aıtarlyqtaı ekenin aıtty.

Sonan soń aımaq basshysynyń orynbasary aýdan ortalyǵy Jańatas qalasyndaǵy aýdandyq mádenıet úıinde ornalasqan «Rýhanı jańǵyrý» jobalyq ofısiniń jáne «Kovorkıng» bilim ortalyǵynyń jumystarymen de tanysyp, zamanaýı tehnologııamen jabdyqtalǵandyǵyn, jumys nátıjeli ekendigine qýandy.

Jańatas kópsalaly kolledjinde bilimgerlermen ótken kezdesýde sarysýlyq jastar Sulýshash Sátbekqyzyna oılarynda júrgen saýaldaryn qoıyp, tushymdy jaýaptar aldy. Jastar boıyndaǵy ynta men jigerlerine rıza bolǵan S.Sátbekqyzy estelikke sýretke túsip, qashanda usynys-pikirlerin tyńdap, qoldaý kórsetýge ázir ekendigin aıtty.

Kelesi kezekte S. Qurmanbekova aýdandaǵy «Nur Otan» partııasy fılıalynyń ǵımaratynda azamattardy qabyldap, saýaldaryna jaýaptar berdi. Onda turǵyndar aýyl-aımaqtardaǵy sheshimin kútken áleýmettik máselelerdi alǵa tartyp, sheshý joldaryn qarastyrýdy surady.

Sapar sońynda Sulýshash Sátbekqyzy aýdan ákimdiginiń májilis zalynda aktıv otyrysyn ótkizdi. Isspar barysynda kórgen-bilgenin tolyq saralaı kele, Sulýshash Sátbekqyzy birqatar atqarylýy tıisti tapsyrmalarǵa da toqtaldy.