Reseı astanasynyń «Dom jýrnalısta» ǵımaratynda qazaqtyń dańqty jazýshysy, dramatýrg Rahymjan Otarbaevtyń orys tiline aýdarylǵan eki kitabynyń prezentasııasy ótti. «Shyńǵys-hannyń kóz jasy» jáne «Bas» atty romandary «Hýdojestvennaıa lıteratýra» baspasynyń bas redaktory Vladımır Prıahınniń aýdarmasymen orys tilinde jaryq kórdi. Bul sharaǵa máskeýlik jazýshylar, tilshiler men qatar Qazaqstannyń Reseıdegi elshiliginiń ókilderi jáne jazýshynyń uly Ermereı Otarbaev qatysty.
Vladımır Prıahın jınalǵan qaýymǵa bul jobany Qazaqstan Respýblıkasynyń Reseı Federasııasynyń elshiliginiń qoldaýymen iske asyrǵanyn jetkizip, alǵysyn bildirdi. Aıta ketelik, Otarbaevtyń shyǵarmalary tek qazaq jáne orys tilinde ǵana emes, sonymen qatar fransýz, qytaı, arab, túrik, qyrǵyz jáne aǵylshyn tilderine aýdaryldy. О́z kezeginde, alǵy sóz alǵan Qazaqstannyń Reseıdegi elshiliginiń keńesshi-ýákili Janar Kolbachaeva «biz eki bólek, táýelsiz memlekette turǵanymyzben eki el arasyndaǵy rýhanı baılanys nyq, ári buzylmastaı» dedi.
— Bir-birimizdiń ádebı shyǵarmalarymyzben tanysý, ózara túsinistik pen dostyǵymyzdy jaqyndata túsedi. О́zge halyqtyń mádenıetimen tanysý - ol adamı qundylyqtyń eń joǵary deńgeıindegi baılanys. Rahymjan Otarbaev biraz halyqtyń mádenı qosýshysy, ádebı kópiri bola bildi, - dep túıindedi Janar Kolbachaeva.
Is-shara osy keshte jınalǵan Rahymjan Otarbaevtyń dostary, áriptesteriniń jazýshy týraly estelikterimen, jyly lebizderimen jalǵasty. Oqyrmandy sheshendikke tárbıelep, halqymyzdyń asyl muralaryn ıgerip, rýhanı turǵydan damı túsýlerine qyzmet etetin qundy dúnıeleri dúıim jurtqa taraıdy degen senim sózderi estildi. Bul joba jańasha negizinde usynǵan eńbektiń ıdeıalardy táýelsiz elimizdiń jarqyn ádebıetin barsha kórkemdikpen shet elderdiń oqyrmandaryna tanystyrý jáne qazaq mádenıetiniń bolashaǵyna qyzmet etkizý oraıynda jasalǵan.
Esmuhan Obaev aıtqandaı, «Rahymjan Otarbaev – shaǵyn áńgimelerinde úlken oı aıta alatyn kesek jazýshy». Qazaq ádebıetinen ózindik ornyn alǵan jazýshynyń jarqyn beınesi barsha oqyrman qaýymnyń júreginde saqtalatynyna senimdimiz.
Rahymjan Otarbaev Qazaqstan Jazýshylar odaǵy Basqarmasynyń múshesi, respýblıkalyq Mahambet О́temisuly atyndaǵy syılyqtyń, Halyqaralyq Aıtmatov atyndaǵy syılyqtyń ıegeri, Halyqaralyq Aıtmatov atyndaǵy akademııanyń akademıgi, Halel Dosmuhamedov atyndaǵy Atyraý ýnıversıtetiniń qurmetti professory, Atyraý oblysy, Qurmanǵazy aýdanynyń Qurmetti azamaty. Qazaqstannyń Eńbek sińirgen qaıratkeri, «Qurmet» jáne «Parasat» ordenimen marapattalǵan.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir