• USD 389.52
  • EUR 429.21
  • RUB 6.07
  • CNY 54.94
21 Qazan, 01:47:30
Nazarbaev: "Nur Otan" halyqty mazalaıtyn máselelerge aralaspaıdy

30 Qyrkúıek, 2019 NEWS

Eki kompanııasy bar otbasy 21 myń teńgelik járdemaqy alǵan

21 myńdy halyqqa jappaı taratqan úkimet endi qujat júzinde kirisi asyp ketkenderdiń aqshasyn sotpen qaıtarýdy shyndap qolǵa alyp jatyr. Qaraǵandydaǵy sondaı tekseristerde jyl saıyn mıllıondap salyq tólep otyrǵan otbasy járdemaqy alyp kelgeni anyqtaldy. Tórt balasyna 84 myń teńge alǵan áýlettiń atynda eki kompanııa tirkelgen eken. Al Qaraǵandynyń jumyspen qamtý ortalyǵy otbasynyń az qamtylǵan áýlettiń qataryna jatpaıtynyn áleýmettik jeliden kóripti dep jazady Qamshy.kz aqparat agenttigi 31 arnanyń deregin negizge alyp.

Ataýly áleýmettik kómekti 2 aı boıy alyp kelgen Ardaq Jaqanova keń saraıdaı záýlim kottedjde turady eken. Eki qabatty kotedj kúıeýi Janbolat Qarjaýovtyń atynda resmı tirkelgen. Munan ózge, 4 balaly otbasynyń atynda eki jekemenshik kompanııa bar. Janbolat Qarjaýovtyń ózi záýlim úıde turatynyn rastap otyr.

Eki birdeı bıznestiń ıesi jyl saıynǵy salyq tólemderin eshkimnen jasyrmaǵan. Ashyq derekkózderinen kásipkerdiń ár jyldarda memleket qazynasyna mıllıondap aqsha aýdarǵanyn esh qıyndyqsyz anyqtaýǵa bolady. Degenmen 4 balasy úshin memeleketten alyp kelgen 85 myń teńgeden ońaılyqpen bas tartqysy joq. Aqshanyń artyǵy joq degen Janbolat Qarjaýov áleýmettik kómekti toqtatyp tastaǵandardy sotqa beremin dep otyr.

«Úlken úı – sheshemniń kottedji. Biraq meniń atymda. Eger kómekti toqtatsa, men sotqa berip, sony dáleldeımin. Bersem, dáleldegennen keıin ǵana ózim bas tartamyn. Dáleldeýge tyrysamyn», — deıdi Qarjaýov.

Pk.uchet.kz saıtynda Janbolat jetekshilik etetin kompanııalardyń birinen túsetin salyq kólemi 4 jylda 2 mıllıonnan bastap, 17 mıllıon teńgeden asypty. Máselen, kásipker bıyl 4 mln 904 myń 900 teńge salyq tólegen. Al ekinshi kompanııasy úshin sońǵy 3 jylda 8 mln teńgege jýyq salyq tólegen.
Dese de Janbolat Qarjaýov eki kompanııanyń da jaǵdaıy múshkil ekenin aıtyp otyr. Tipti, biri bankrotqa ushyraǵan. Sol úshin jubaıyna tıesili kólikti de satýyna týra kelipti.

Al ádette jasyryn tabysty múdirmeı anyqtaıtyn jumyspen qamtý ortalyǵy bul joly kópbalaly otbasynyń tabysyn kórmeı qaldyq deıdi. Ardaq Jaqanova qujat tapsyrǵanda óziniń aılyǵy 50 myń teńge, joldasy 60 myń teńge alatynyn kórsetken. Ortalyq mamandary otbasynyń molshylyqta otyrǵanyn áleýmettik jeliden kórgen.

«Bizdiń bazada adamnyń qandaı da bir qosymsha avtokóligi bar ma, shotynda mıllıondaǵan aqshasy bar ma nemese atynda basqa da turǵyn úıler bar ma, mundaı málimetterdi kóre almaımyz», — deıdi qalalyq jumyspen qamtý ortalyǵy basshysynyń orynbasary Baqytnur Tólipova.

Endi eki aı boıy 85 myń teńgeden alǵan kópbalaly otbasy aqshany úkimetke qaıtarýy múmkin. Jumyspen qamtý ortalyǵynyń mamandary 170 myń teńgeni óndirip alý úshin sotqa aryz túsirgen.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir