• USD 389.52
  • EUR 429.21
  • RUB 6.07
  • CNY 54.94
17 Qazan, 12:08:33
Prezıdenttik jastar kadr rezervine irikteýdiń kelesi kezeńine 904 qatysýshy ótti

30 Qyrkúıek, 2019 Aıtty-eı, baýyryń!

"Úkimette aqsha joq, endi týmańyz, kúıeýińizge maratorıı jarııalańyz!"

Bireý sizge: «Kelińiz!» dep alyp, artynsha: «Kete berińiz!» dese jaqsy kóresiz be? Bir túrli bolyp qalasyz, tipti, unjyrǵańyz un bolyp, solyp qalasyz! Bir depýtat kabınetinde qoǵamdyq qabyldaý júrgizip jatyr deıdi.

– Kelińiz!

Kabınetine eshkim kirmese de:

– Munda otyra berińiz! –dedi. Sosyn, bos oryndyqqa qarap, jelkesin qasydy da:

– Iıa, ne máselemen keldińiz? –dep surady. Joq adam «úndemedi.»

– Nege sóılemeı otyrsyz?

– ?

– Birdeńe deseńizshi?

– ?

– Sózden salat jeseńizshi?

– ?

– Ásheıin keldińiz be?

– ?

– Meniń birdeńe aıtatynyma sendińiz be? Qandaı adamsyz? Sóıleseńizshi? Ishim pysyp ketti, tilim qyshyp ketti? Sóılemeısiz be? Onda shyǵyp turyńyz, Qysqasy, bul jerden quryńyz! Kelesi?

Kabınetine saıtan da, shaıtan da kirmese de, ornynan turyp:

– Kelińiz! –dedi. Sosyn esikti nusqap:

– Kete berińiz! –dep saldy. Kreslosyna shalqaıa túsip, ary–beri aınaldy da, esik jaqqa qarady. Shashyn tarady.

– Kelesi?

Ishke eshkim kirmese de:

– Sálemetsiz be? –dedi, – munda otyryńyz, ııa, ne máselemen keldińiz? Sheshemiz máseleni. Depýtat bolyp, «Nur Otan» partııasynyń múshesi bolyp, bosqa otyrǵan joqpyz ǵoı? Ne dedińiz? A? Mińgirlemeı, anyq aıtyńyzshy? Ishim aýyryp otyr? Qyzyq ekensiz, men dáriger emespin ǵoı? Depýtatpyn! Myń teńge qaryz bere turyńyzshy deımisiz? Siz, ne, oınap otyrsyz ba? Men qoǵamdyq qabyldaýdy júrgizip otyrmyn! Halyqtyń máselelerin sheshýim kerek! Al, siz qaryz suraısyz? A? Esineýge bola ma deımisiz? Bizdiń elde tıym salynǵan! Shyǵyńyz kabınetten!

Ol joq adamdy kabınetinen «qýyp» shyqty. Júıkesi tozyp, qolyn sıgaretine sozyp, bir talyn aldy da, tutata bastady:

– Kirińiz!

Eshkim kirmese de:

– Kóp balaly anasyz ba? –dep surady. Sosyn ózine–ózi:

– Iıa, – dep jaýap berdi.

– Týa bergensiz, týa bergensiz. Kak býdto, úkimet úshin týyp jatqandaı.

О́zine ózi:

– Qınalyp kettim.. –dedi.

– Endi bala týý ońaı deısiz be? «Pyq!» etip shyǵa salatyn shampanskııdiń tyǵyny emes qoı?

О́zine–ózi:

– Joǵa, ómirden qınalyp kettim, balalaryma járdemaqy... –dep jaýap berdi.

– E, baıaǵyly beri solaı demeısiz be? Úkimette aqsha joq, endi týmańyz, kúıeýińizge maratorıı jarııalańyz! –degen depýtat joq «áıeldi» de kabınetinen shyǵaryp saldy.

...Beý dúnıe–aı, osyndaı ótirik aqpar bere salatyn, halyqpen kezdesse, kene shaǵyp alatyndaı kóretin depýtattardyń bar ekenine senesiz be?

Muhtar Sherimniń feısbýk paraqshasynan

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir