• USD 389.52
  • EUR 429.21
  • RUB 6.07
  • CNY 54.94
15 Qazan, 10:34:33
Ermekbaev: Jumys qaýipti, ómirleri úshin qaýip-qater bar

30 Qyrkúıek, 2019 Úkimet

Toqaev 30 jyl buryn Gorbachevtyń qytaı tili aýdarmashylarynyń biri bolǵan

Qasym-Jomart Toqaev otyz jyl buryn aýdarmashy retinde Gorbachevpen birge Qytaıǵa baryp, eki eldi eldestirýge úles qosqan

Qazaqstannyń qazirgi prezıdenti Qasym-Jomart Toqaevtyń otyz jyl buryn Qytaı men KSRO arasyndaǵy salqyndyqty joıyp, taraptardyń tabysýyna septigin tıgizgen eken dep jazady Qamshy.kz aqparat agenttigi Sputnik Qazaqstanǵa silteme jasap.

Bul týraly belgili reseılik dılomat Evgenıı Bajanov aıtyp berdi.

Dıplomattyń aıtýynsha, 1989 jyldyń maýsymynda bas hatshy Mıhaıl Gorbachev Qytaı men KSRO arasyndaǵy qarym-qatynasty jolǵa qoıý úshin Beıjińge jol tartady. Toqaevtyń qytaı tilin jaqsy meńgergeni sonshalyq, Gorbachevtiń aýdarmashylarynyń arasynda ol da bolǵan.

"Bizdiń aramyzda birneshe ondaǵan jyl boıy teketires boldy. Sondyqtan taraptardyń tatýlasýy ár aýdarylǵan sózge baılanysty edi. Aqyry oǵan da qol jetkizdik, Toqaev óz mindetin abyroımen oryndap shyqty", - dep eske aldy Bajanov.

Evgenıı bajanov

Evgenıı Bajanov pen Qasym-Jomart Toqaev qyryq jyldaı dos. Reseılik dıplomat syrtqy saıasatta Toqaevtaı bilimi men tájirıbesi mol basqa adamdy tanymaıtynyn aıtady.

Budan bólek, ol Toqaevqa mansap jolynda ilgerileýge qytaı tili qalaı kómekteskenin áńgimelep berdi.

Keńes odaǵy ydyraǵannan keıin Qazaqstannyń sol kezdegi premer-mınıstri Sergeı Tereshenko Qytaıǵa resmı saparmen barmaqshy bolyp, aýdarmashy izdegen eken. Sol kezde Qasym-Jomart Toqaev aýdarmashy retinde úkimet basshysymen erip barǵan.

"Toqaev Qazaqstan premerine unap qaldy. Osydan keıin ol birden syrtqy ister mınıstriniń orynbasary boldy. Keıin syrtqy ister mınıstri, premer-mınıstr, parlament senatynyń tóraǵasy, BUU-nyń Jenevadaǵy bas hatshysynyń orynbasary jáne taǵy basqa laýazymdy atqardy. Tańǵajaıyp karera jasady", - dep sanamalap berdi Bajanov.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir