• USD 468.56

  • EUR 497.56

  • RUB 7.3

  • CNY 67.18

29 Naýryz, 09:12:51
Almaty
+35°

Taraz qalasynyń ákimi Qaırat Dosaev jambyldyq jas aqyndarmen júzdesti. Shoqan Ýálıhanov atyndaǵy oblystyq ámbebap ǵylymı kitaphanasynda ótken basqosýǵa bul kúnde poezııany janyna serik etip, jastyq jalynyn jyrǵa qosyp, halyqaralyq hám respýblıkalyq músháıralarda jeńimpaz atanyp júrgen talantty jastar qatysty. 


Qala ákiminiń qoldaýymen uıymdastyrylǵan erkin formattaǵy ádebı kezdesýdi ashyp berip, júrgizip otyrǵan oblystyq «ARAI» gazetiniń mádenıet bóliminiń redaktory, jas aqyn Nurjan Qadiráli alǵashqy sóz tizginin Qazaqstan Jazýshylar odaǵy oblystyq fılıalynyń tóraǵasy, aqyn Hamıt Esamanǵa berdi. О́z kezeginde Hamıt Erbolatuly arnaıy qoldaý bildirip, jastar jylynda óńirdiń qalam ustaǵan talanttarynyń shyǵarmashylyǵyna janashyrlyq tanytyp, osyndaı ıgi sharany uıymdastyryp otyrǵan Qaırat Áskerbekulyna alǵys aıtyp, birqatar usynys, oı-pikirin jetkizdi.


Sóz barysynda Qazaqstan Jazýshylar odaǵy oblystyq fılıalynyń tóraǵasy jergilikti jas aqyndardyń jeke jınaq kitaptaryn shyǵarýǵa qala ákimdigi tarapynan qoldaý bolsa, sonymen qatar qazirgi otandyq poezııa keńistiginde esimi elge, talanty halyqqa moıyndalǵan tarazdyq aqyn Erlan Júnispen kezdesý uıymdastyrylsa jáne Rýmı men Rýdakıden bastap shyǵystyń shoq juldyzdy shaıyrlary myńdaǵan jyl jyrlaǵan kıeli Taraz qalasynda poezııalyq forým ótse degen ózekti usynystaryn ortaǵa saldy.


Bul rette shahar basshysy jastardyń shyǵarmashylyǵyn qoldaý máselesi múmkindiginshe nazarda bolatynyn aıtty. Budan keıin talat tizginindegi aqyndar Tabıǵat Abaıyldaev, Danııar Álimqul, Nurbolat Satymqul,  Araıly Jaqsylyq, Ǵaınıken Raıymbekova, Shapaǵat Ábdir, Jumataı Kóksýbaı, Nazerke Israılova,Eldar Boranbek, Aıan Qýat,Maral Hantóreqyzy, Nazerke Ońǵar, Beksultan Qoshtaev, Arýjan Qýat názıraly nárkes jyrdan nóser tókse, osy qatarda óz óleńin oqyǵan jas aqyn Nurlan Ábdikárim «Qulaqtan kirip, boıdy alar» áýezdi ánnen shashý shashty.


Jyr kerýenin jalǵaǵan Nurjan Qadiráli Tarazǵa arnaǵan tolǵaýyn oqyp, qalamdas, zamandastarynyń qoshemetine bólendi. Jıyndy qorytyndylaǵan Qaırat Áskerbekuly qazirgideı ýaqytta ómirden óz ornyn taba almaı júrgen jastardyń bar ekenin tilge tıek etip, osy rette qazaq ádebıetiniń keleshegine qalammen jol salyp, tamshydaı bolsa úles qosyp júrgen jas aqyndarǵa alǵysyn jetkizdi. Qala basshysy qazaqtyń birneshe kórnekti aqyndarynyń óleńinen jatqa úzindi oqyp, shyǵarmashyl jastardy Tarazdyń ózindik ánuranyna aınalarlyq týyndy jazýǵa shaqyrdy. Kádesyı retinde barlyq qatysýshylarǵa Abaıdyń qundy qara sózderi jınaǵyn tartý etti.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir