• USD 389.52
  • EUR 429.21
  • RUB 6.07
  • CNY 54.94
15 Qazan, 15:42:55
Saılaý qarsańynda "joǵalyp ketken" akter Shrı-Lankadan sálem joldady (vıdeo)

25 Qyrkúıek, 2019 NEWS

Kepilsiz nesıelerdiń borysh júktemesin azaıtý týraly

Almaty ákimdiginiń baspasóz ortalyǵynda ótken brıfıngte ekinshi deńgeıli bankter men mıkroqarjylyq uıymdarda kepilsiz tutynýshylyq nesıeler boıynsha borysh júktemesin azaıtýǵa kimniń quqy bar jáne ol úshin «qara tizimge ilinýi» múmkin be degen saýaldar tóńireginde áńgime órbidi, jazady almaty.gov.kz saıty.

Eńbek, áleýmettik qorǵaý jáne kóshi-qon komıtetiniń Almaty qalasy boıynsha Departamentiniń basshysy Aıdynjan Narmatov QR Prezıdentiniń «Qazaqstan Respýblıkasy azamattarynyń borysh júktemesin azaıtý sharalary týraly» Jarlyǵyna sáıkes ekinshi deńgeıli bankter men mıkroqarjylyq uıymdarda kepilsiz tutynýshylyq nesıeler boıynsha qaryzdardyń birret keshiriletinin aıtty.

Ereje azamattardyń myna bes sanatyna qatysty:

1) Kópbalaly otbasylar;

2) Asyraýshysynan aırylý jaǵdaıyna baılanysty tólem alatyn otbasylar;

3) Múgedek balalary bar jáne 18 jastan asqan bala kezinen múgedek balalary bar otbasylar;

4) Ataýly áleýmettik kómek alatyn otbasylar;

5) Jetim balalar, kámelettik jasqa tolǵanǵa deıin ata-anasynan aıyrylǵan, ata-anasynyń qamqorlyǵynsyz qalǵan 29 jasqa tolmaǵan balalar.

Jalpy bereshegi 2019 jylǵy 1 maýsymdaǵy jaǵdaıǵa saı úsh mıllıon teńgeden aspaýy tıis. Bir qaryz alýshyǵa 2019 jylǵy 1 maýsymdaǵy jaǵdaı boıynsha negizgi boryshy men oǵan esepteletin syıaqydan turatyn óteletin beresheginiń mólsheri 300 myń teńge bolǵany jón.

Bul sanattaǵy azamattar beresheginiń ótelýi olardyń qarjylyq tabysyna esh qatysy joq.

«Mysaly, AÁK alatyn otbasy jalpy somasy 2,5 mıllıon teńge bolatyn eki tutynýshylyq nesıe alyp, ony tek otbasynyń bir múshesine rásimdegen. Bul jaǵdaıda jalpy somasy 300 myń teńge bolatyn eki nesıe de óteledi. Eger otbasy músheleriniń birnesheýi nesıe alsa, ıaǵnı nesıeniń kelisim sharty ár adamnyń atyna jasalsa, onda borysh ár nesıe sharty boıynsha óteledi Máselen, otbasynyń úsh múshesine úsh nesıe rásimdelse, onda árbir kelisim shart boıynsha 300 myń teńgege deıingi boryshtaryn óteýge quqyly. Iаǵnı, otbasynyń úsh múshesiniń qaryzynyń jalpy somasy 900 myń teńgege deıin bolýy tıis», – dep jaýap berdi A. Narmatov.

QR Ulttyq banktiń Almaty fılıaly dırektorynyń orynbasary Gúlnar Shemetova óziniń sózinde QR Eńbek jáne halyqty áleýmettik qorǵaý Mınıstrligi bergen tizim negizinde bankter men mıkro qarjylyq uıymdar birinshi baǵyt boıynsha 507363 azamattyń negizgi jáne syıaqylyq 105147,8 mln. teńge qaryzyn ótedi, onyń ishinde Almaty qalasy boıynsha 115 998 azamattyń jalpy somasy 18 380 mln teńge bolatyn qaryzy keshirildi. Sonymen qatar, 263 527 azamattardyń bankter men mıkroqarjylyq uıymdardaǵy jalpy somasy 32 024 mln teńge bolatyn boryshy tolyq óteldi.

EDB men MQU ekinshi baǵyt boıynsha bıylǵy jyldyń 30 shildesinde aǵymdaǵy jyldyń 1 shildesindegi jaǵdaı boıynsha azamattar boryshtarynyń ósimpuldary men aıyppuldaryn alyp tastady.

Kórsetilgen qoldaý somasy 33 mlrd teńgeden ( 1,2 mln jýyq azamattar) asty, onyń 70 %-y nemese 24 mlrd teńge óteldi (keshirildi) kredıtorlardyń jeke qarjylary esebinen, qalǵan 30 % nemese 10,1 mlrd teńge aǵymdaǵy jyldyń 20 tamyzyna deıin Ulttyq bank esebinen óteletin bolady.

Almaty qalasy boıynsha 248400 azamattyń jalpy somasy 7120,62 mln teńge bolatyn nesıesiniń ósimpuly men aıyppuly alynyp tastaldy.

«Eger azamat jyl aıaǵyna deıin óziniń bes sanattaǵylar qataryna jatatyn qujatyn kórsetse, onda tizim qaıta jasalady. Iаǵnı, 2019 jyldyń 1 shildesine deıin nesıe alǵandar óshiriledi. Aıta keterligi, memleket qaryzyn ótegender «qara tizimge» ilinbeıdi. Jeke tulǵalardyń qaryzdary úshinshi jaqtan óteledi. Bul teris faktor bolyp eseptelmeıdi. Jáne bolashaqta azamattyń nesıe alýyna esh kedergi keltirmeıdi», – dep atap ótti G. Shemetova.

Nesıelik qarzydar kezek boıynsha keshiriledi. Eń aldymen joǵary jyldyq tıimdi syıaqy alǵan qaryzdar óteledi. Ekinshi kezekte negizgi qaryzy kóp emes nesıeler keshiriledi. Úshinshi kezekte qaryz alýdy erte rásimdegenderdiń boryshy alynady.

Naqtyly aqparatty Eńbek jáne halyqty áleýmettik qorǵaý mınıstrliginiń Facebook-taǵy (https://www.facebook.com/103633851027565/) jáne Instagram-daǵy (https://www.instagram.com/p/B2O33d9Ag_U/?igshid=1a5ciudmyf0wk) akkaýnttarynan alýǵa bolady.

Borysh júktemesi azaıtýǵa múddeli azamattar óziniń qaı sanatqa jatatyndyǵyn bylaısha bile alady: ( nws6.enbek.kz/kk/status-check kirý arqyly).

- Eńbek jáne halyqty áleýmettik qorǵaý mınıstrliginiń resmı ınternet-resýrsynan: http://www.enbek.gov.kz/ru/node/363149 boıynsha, ol úshin JSN engizip, ótinish jiberý qajet;

- Elektrondy úkimettiń basty betindegi «Borysh júktemesin azaıtý jónindegi baǵdarlamaǵa qatysyp, sanatty bilý» elektrondy servısi arqyly, ol úshin elektrondy qoltańba qajet.

- QR Eńbek jáne halyqty áleýmettik qorǵaý mınıstrliginiń bazasyndaǵy call-ortalyqtan 111, 74-32-20, 75-01-79, 75-01-78 telefondary arqyly keńes alýǵa bolady.;

Boryshtyq júktemeni azaıtý jónindegi keńesterdi mynalar beredi:

-halyqqa qyzmet kórsetý ortalyǵy;

- Almaty qalasynyń Áleýmettik ál- aýqat basqarmasy;

- «ÁSMQ» AQ;

- Eńbek, áleýmettik qorǵaý jáne kóshi-qon komıtetiniń Almaty qalasy boıynsha Departamenti.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir