26 Qyrkúıek, 2019 NEWS
Almaty ákimdiginiń baspasóz ortalyǵynda ótken brıfıngte Medeý aýdanynyń ákimi Sultanbek Mákejanov ınjenerlik jelilerdi salý jáne aımaqty abattandyrý týraly aıtty, dep habarlaıdy almaty.gov.kz saıty.
Mysaly, aýdanda jalpy jaıaý júrginshi aımaǵy 5,8 km bolatyn Dostyq dańǵyly men Áıteke bı kóshesi jóndelýde.
Aýdandaǵy 118 úıdiń 52 aýlasyn abattandyrý boıynsha jumystar júrýde. Keler jyly 18 aýlaǵa kúrdeli, 30 aýlaǵa aǵymdaǵy jóndeý jumystaryn júrgizý josparlanǵan.
Turǵyn úılerdi modernızasııalaý aıaqtaldy – 17 úıdiń lıftteri aýystyryldy, 17 úıge kúrdeli jóndeý júrgizildi, shatyry men ınjenerlik jelileri jańardy.
Uzyndyǵy 2 km bolatyn Esentaı ózeniniń jaǵasyn rekonstrýksııalaý men abattandyrý aıaqtalyp qaldy. «Terisbulaq» ózeniniń jaǵalaýy jóndelýde. Sulýsaı yqshamaýdanynyń joldaryna kúrdeli jóndeý júrgizilýde.
Bulardan ózge, Dýman yqshamaýdanynda jalpy uzyndyǵy 45 km bolatyn sýmen qamtıtyn jáne sý bóletin ınjenerlik jeliler tartylýda. Uzyndyǵy 5,8 km bolatyn 12 kóshege sý jelileri tartylýda, 2,5 km qubyrlar júrgizildi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir