• USD 389.52
  • EUR 429.21
  • RUB 6.07
  • CNY 54.94
17 Qazan, 12:13:22
Prezıdenttik jastar kadr rezervine irikteýdiń kelesi kezeńine 904 qatysýshy ótti

25 Qyrkúıek, 2019 Aımaqtar

Eki óńir jastary ózara tájirıbe almasty

Qazaqstan halqy Assambleıasy uıymdastyrýymen etnomádenı birlestikter arasynda «Mádenıetter kaleıdoskoby» atty Jambyl jáne Almaty oblystarynyń «Jańǵyrý joly» jastar qozǵalysynyń shtaby músheleriniń qatysýymen óńiraralyq týr ótti, dep jazady Qamshy.kz aqparat agenttigi. Eki oblys jastarynyń kezdesý týry olardyń boıynda birtutas ortaq qundylyqtardy qalyptastyrýdyń negizi retinde qazaq halqynyń tarıhyn, mádenıetin, fılosofııasyn, etnıkasyn dáripteýge, sondaı-aq Qazaqstan etnostarynyń arasynda «Rýhanı jańǵyrý» baǵdarlamasynyń jobalaryn ilgeriletýge baǵdarlanǵan. Kezdesýdiń basy Jambyl oblysy ákimi apparatynyń «Qoǵamdyq kelisim» kommýnaldyq memlekettik mekemesiniń basshysy Ýbaıdýllaeva Rano Mahsýdqyzy jáne Almaty oblystyq Qazaqstan halqy Assambleıasy tóraǵasynyń orynbasary, hatshylyq meńgerýshisi Tursynbaı Ǵabıt Tursynbaıulynyń izgi tilekterimen bastaldy.

«Qoǵamdyq kelisim» KMM basshysy Rano Mahsýdqyzy: «Bizdiń kelýimizdiń maqsaty - «Rýhanı jańǵyrý» baǵdarlamasy aıasynda jalpy qundylyqtardy qalyptastyrýǵa, qazaq eliniń tarıhyn, mádenıetin, ádebıetin, órkenıetin, dúnıetanymyn Qazaqstan halqy arasynda nasıhattaýǵa baǵyttalǵan «Qazaqtaný» jobasyn júzege asyrý. О́ńiraralyq týrdyń negizgi mindetiniń ózi - ulttyq murany nyǵaıtýǵa jáne qazaqstandyq jas býyndarǵa mádenı-rýhanı tárbıe berýge yqpal etý bolatyn. Osy tusta Almaty oblysynyń tarıhy men mádenıetin tanystyrý ekskýrsııasy jambyldyq jastarǵa rýhanı serpilis ári shyǵarmashylyq áleýetin ashady degen senimdemin. Oblystar arasyndaǵy osyndaı birlesken is-sharalar etnomádenı birlestikterdiń tájirıbe almasyp, eki óńirdiń jastary arasynda dostyq qarym-qatynas ornatýǵa múmkindik beredi» - dedi óz sózinde.

Sondaı-aq, kezdesý barysynda Jambyl oblysynyń «Janǵyrý joly» jastar qozǵalysynyń atqarǵan jumysy týraly óńirlik shtabtyń belsendisi Alıev Habıb sóz sóılep, jyl boıyndaǵy jolǵa qoıylǵan josparlardyń júıeli nátejıelerimen bólisip, eki oblystyń jastar qanaty tájirıbe almasty. Kezdesý kezinde QR Prezıdentiniń joldaýy boıynsha Jambyl oblysynyń etnomádenı birlestikteriniń músheleri Lıgostaev Artýr men Prıahına Rýsalına jáne Almaty oblysynyń ózge etnos ókilderi ózara pikir almasyp, oı qozǵady.

О́ńiraralyq kezdesýde jastar Taldyqorǵan qalasyndaǵy M. Tynyshpaev atyndaǵy tarıhı-ólketaný jáne I. Jansúgirov atyndaǵy oblystyq ádebıet murajaılarymen tanysty. Sondaı-aq, Jambyl oblysynyń «Jańǵyrý joly» JQ shtaby músheleri almatylyq aǵaıynǵa tarazdyqtardyń ystyq yqylasyn jetkizý úshin merekelik konsert uıymdastyrdy. Almaty qalasynyń «Jańǵyrý joly» JQ ókilderi jambyldyqtardy Almaty oblysy, Úshtóbe qalasyndaǵy «Qazaq halqyna alǵys!» ataýmen deportasııalanǵan etnostardyń rızashylyǵy retinde salynǵan eskertkishpen tanystyrdy. San jyldyq tarıhtan syr sherter eskertkish jastardyń nazaryna erekshe ilindi. Sonymen qatar, kezdesý kezinde jastar Almaty oblysy, Qaratal aýdanyndaǵy Kemel Toqaev atyndaǵy saıabaqqa saıahat ta jasap úlgerdi.

Kezdesý sońynda jastar óńiraralyq týrdan alǵan áserlerin ortaǵa saldy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir